لەنێو بارەگەی لیژنەی ئۆڵۆمپی لە شاری #بەغدا#ی پایتەختی ئێراق و بە ئامادە بوونی، (هەیسەم عەبدول حەمید) ئەمیداری گشتی لیژنەکە و د. بەیدا سەرۆکی لیژنەی یەکسانی وەرزش و خاتوو #لەیلا محەمەد ئەمین# جێگری سەرۆک و ئەندامانی ئەو لیژنەیە کۆبوونەوەیەکی فراوان سەبارەت بە کار و چالاکییەکان ڕێکخرا.
لەو کۆبوونەوەیەدا و سەرەتا پشتیووانییەکانی دکتۆر (عەقیل مفتن) سەرۆکی لیژنەی ئۆڵۆمپی ئێراق بەرز نرخێندرا بۆ پاڵپشتییەکانی لە وەرزشی ژنان و کچان و سوپاسی تایبەتیان ئاڕاستە کرد کە خەڵاتی سەرجەم تیمەکانی یانەکانی ئێراقی کرد کە بەشدار بوون لە پاڵەوانێتی یانەکانی وڵاتانی عەرەب کە لە وڵاتی ئیمارات بەڕێوەچوو.
ئەمە و تەوەرێکی دیکەی کۆبوونەوەکە گفتوگۆکردن بوو لەسەر چالاکییەکانی داهاتووی لیژنەی یەکسانی وەرزش کە لە گرنگترینیان ئەنجام دانی دووەمین ڤێتستڤاڵی وەرزشی یە لە سەرەتای مانگی ئایاری داهاتوو کە شاری #سلێمانی# و هۆڵی یانەی پێشمەرگە میوانداری دەبێت و ئەو ڤێستیڤاڵەش لەژێر چاودێری ڕاستەوخۆی سەرۆکی لیژنەی ئۆڵۆمپی ئێراق بەڕێوە دەچێت.
لە دوا تەوەری کۆبوونەکە و بۆ درێژەدان بە کار و چالاکییەکانی لیژنەی یەکسانی وەرزش بڕیار درا کە لە کۆتاییەکانی مانگی ئایاری 2024 و لە شاری بەسرە خولی بەهێزکردنی کارگێڕی و ڕاهێنان و داوەری بۆ سەرجەم یەکێتییە وەرزشییەکانی سەر بە لیژنەی ئۆڵۆمپی ئێراق ڕێکبخرێت.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 21 mal angesehen
Schreiben Sie Ihren Kommentar zu diesem Artikel!