کورد دلۍ چەرخەکا تاریخینە
بەشۍ: یەرەسەڎ و دواڼزەهەمە
نویستەی: هاوڕێ باخەوان
ساڵەو (1923ز.):
* تاریخو (#24-07-1923#ز.) کۊنیشتو لۊزانی بەسیا، دلېشەنە مافو وېچارەیی نویستەی جە کورڎی ئەسانیاوە بە قازانجو تورکی. ئینېچە دیارتەرین بەندەکۍ ئا ڕېککۆتەنامەیە بېنۍ:
بەندەو (3): تاکو (9)نۊ مانگۍ گەر مەسەلۍ مەرزو میانو ئێراقی و تورکیای جە ڕاو بەیڼەتەوەییۆ میانو حکومەتی بەریتانی و تورکینە چارەسەر ن،ەکریۊن، گەر ئا دوە دۆڵەتە نەتاواشان ئەچا ماوەنە ڕېکۍ بگنان، مەسەلەکۍ مەکیانیۊ پەی ئەنجومەنو کۊمەڵەو گەلانی.
بەندەو (38): حکومەتو تورکیای پێمان مڎۊن کە دەسەبەری ژیوای و مافەکا نیشتەجایا تورکیای بگېرۊ گەردەن.
بەندەو (39): جە بەکارئاردەی هەر زوانێ میانو خەڵکینە وەرگیری نەکریۊن، هامنیشتیمانیۍ تورکیای مەتاوان بە ئازاڎی هەر زوانێ دلۍ پېوەڼییە وېشانەکاشانە، یام جە تۊمارە بازرگانییەکانە، ئایین و ڕۊنامەگەرینە، دلۍ هەر جۊرە وەڵاکریێوەنە، یام دلۍ کۊنیشتە ئاشکەراکاشانە بەکارباران.
تاریخو (#24-07-1923#ز.) داگیرکاری تورکی ئامارو نیشتەجایا ویلایەتو موسڵیش پېشکەشو کۊنگرەو لۆزانی کەرد، بەپاو ئا ئامارەیە نیشتەرە نیشتەجاکۍ (507000) و کۊچەریەکېچ (170000) کەسۍ بېنۍ.
* مانگەو(10) ئی ساڵېنە، هۊروەشنایۆ سیستەمو خەلیفەیی جە تورکیا و ئەرەمەرزنارەی سیستەمی کۊماری.
*تاریخو(#23-12-1923#ز.) جەمال عیرفان کۊچی دمایینش کەردەن.[1]