- پادشای کوردستان شێخ مەحمودی بەرزنجی نامەیەکی ئاڕاستەی یەکێتیی سۆڤیەت کرد، تاوەکو لە دژی داگیرکەری ئینگلیز یارمەتیی بدەن، بەڵام هیچ وەلامێکیان نەدایەوە. شێخ لە نامەکەیدا دەڵێت: ساڵی 1917 کاتێک دنیا دەنگی ئازادی ڕاستەقینەی گوێ لێبوو و زانی کە گەلەکەتان لە چنگ چەوسێنەر و تاوانبارەکان ڕزگاری بووە، هەمو گەلان و نەتەوەکانی جیهان شادمان بوون.... ئەمڕۆ کە گەلی کورد دەستی یارمەتی بۆ لای ئێوە درێژ دەکات و بە دڵسۆزییەوە ئاواتەخوازە لەگەڵ ئێوە بەدۆستایەتی و برایەتی بژی، لانی کەم ئەو هیوایەمان هەیە کە گەلی کورد مافە نەتەوایەتییە ڕەواکانی خۆی بەدەست بێنێت.... ئێوە لە گیروگرفتی تەقەوەستاندن ئاگادارن و دەشزانن کوردستانی باشوور لە دژی کێ ڕاپەریوە. هەروەها دەشزانن هەڵوێستی وڵاتەکانی دراوسێ بەرامبەر ئەو چەشنە مەسەلانە چۆنە. ناکرێ هەموو شتێک بەدرێژی بنووسین، چونکە پێوەندی دیپلۆماسی لە نێوان ئێمە و حوکومەتی سۆڤێتیدا نییە، کە بڕوامان پێی هەیە و بە پشتیوانی خۆمانی دەزانین. لەگەڵ ئەوەش دەتوانم شتێک بڵێم: گەلی کورد هەمووی پێی وایە گەلی ڕووس، خۆرهەڵات ڕزگار دەکات. ئێستا ئەوەی بۆ ئێمە گرنگە یارمەتی بە مەسەلەکەمانە.... گەلی ئێمە بەپەلە چاوەڕوانە کە لە نێوان هەردوولادا پێوەندی دابمەزرێتەوە.....
دون هذا السجل بلغة (کوردیی ناوەڕاست)، انقر علی ايقونة
لفتح السجل باللغة المدونة!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 12,340 مرة
اعطي رأيک بهذا المقال!