- خوێندکارانی زانکۆی سەڵاحەدین بۆ یارمەتیدانی مانگرتنەکەی زانکۆی سلێمانی لە دژی زانکۆی ئاییندە بەرەو سلێمانی کەوتنەڕێ.
- تیرۆرکردنی لایەق ئیبراهیم و بریندارکردنی شۆفێرەکەی بەسەختی لەلایەن تیرۆریستە عەرەبەکانەوە، نێوبراو بەرپرسی لکی کەرکووکی تەلەڤزیۆنی ساتەلایتی کوردستانی سەربە پارتی بوو.
- ئەو لیژنە ئامریکییەی کە بۆ پشکنینی سەردانی فڕۆکەخانەی نێودەوڵەتیی هەولێر هاتبوونە هەولێر، ئەمڕۆ ڕایانگەیاند کە فڕۆکەخانەکە ئاساییش نییە بۆ فڕین و نیشتنەوەی فڕۆکە. هەربۆیە نابێت بەکاربهێنرێت. شایانی باسە ئەم فڕۆکەخانەیە نزیکەی 120 ملیۆن دۆلاری تێچووە و بەکارهێنانی بۆ ماوەیەکی نادیار دواخرا. هەروەها هەر لە هەولێر فڕۆکەخانەیەکی تر لە دروستکردندایە کە نزیکەی 150 ملیۆن دۆلاری تێدەچێت.
- تیرۆریستێکی خۆکوژ لەناو پرسەیەکی کوردی شەبەک لە موسڵ خۆیی تەقاندەوە و بووە هۆی کوژرانی نزیکەی 50 کەس و بریندارکردنی دەیانی تر.
- بەهۆی بڵاوکردنەوەی هەواڵێک لە هەفتەنامەی جەماوەردا، سەرنووسەرەکەی میقداد شاسواری بۆ ماوەی 3 ڕۆژ لە هەولێر دەگیرێت.