شەهیدێ خەباتکەر (حسین على محەمەد) ژدایک بویێ سالا 1947 خەلکێ گوندێ (کانى شرین) سەر ب ناحیا تعلفر پەیمانگەها ماموستایان یا مەلبەندى ل میسل ب دوماهى ئینایە و ل سالا 1971 بویە ماموستا ل گوندێ باشوکە ل دەڤەرا شنگال و ل سالا 1974 بویە ئەندامێ لیژنا سەندیکا ماموستایان ل میسل پاشى پەیوەندى ب شورەشا ئیلونا مەزن کریە و دگەل دوو برایێن خو و بویە ماموستایێ شورەشێ ل گوندێ بێسفکێ سەر ب ناحیا مانگێشکێ ڤە.
پشتى شکەستنا شورەشا ئیلونێ هاتیە دامەزراندن ل قوتایخانا باگێرا و هاتیە رێکخستن دناڤ رێزێن پارتى دیموکراتى کوردستان بەلێ هەمى گاڤا چاڤدێریا ئەمنا رژێمى لسەر هەبو ولژێر زێرەڤانیێ بو ژبەرکو برایەکێ وى پێشمەرگە بو ل ئیرانێ و دەیکو باب و برایێن وى کەفتینە زیندان کرن ل گرتیخانا میسل و داکو پەیوەندیێن وى ژ هەڤالێن وى دویر بکەن ژ قوتابخانا باگێرا هاتیە ڤەگوهاستن بو تلعفر دماوێ مانا وى ل دەڤەرێ شیا چەندین پێزانێن گرنگ یێن نەخوشەیێن لەشکەرى بدەتە هێزێن پێشمەرگەى و زور سود ژێ هاتە وەرگرتن.
پشتى سەرهلدانا پیروزا سالا 1991 ل ژێر ناڤەکێ نهێنى کارێ خو یێ پارتایەتى دکر دگەل لیژنا میسل و ل سەر کارێ خو مایە تاکو سالا 2003 وبەرى روخاندنا رژێما بەعس دگەل هەوالگیریا فەرماندەیا دهوک کار کریە بو دانا پێزانینێن گرنگ پشتى ئازادیا عیراقێ بارەگایێن پارتى ل دەڤەرا وان هاتینە ڤەکرن وەک کارگێرێ لیژنا تلعفر هاتیە هاتیە دامەزراندن و دو جارا هەولێن تیرورکرنا وى هاتیە کرن و گەف بو دهاتنە هنارتن چونکى زور بزاڤ و چالاکى هەبون و زور بەرگرى ژ پارتى دکر و دگەل کەسوکارێن خو ئارامیا محوەرێ خو دابین دکر و بەرگرى ژێ دکر ژ ئەجامێ دلسوزیا وى تیرورستا مالا وى ل تلعفر سوت و چ بو نەهێلا لەو نەچاردبیت دهێتە میسل ئاکنجى دبیت، پشتى ڤەکرنا لقى17 ل شنگالێ هاتە ڤەگوهاستن بو سەر میلاکێ لقا ناڤبرى وەکى کارگێرێ لیژنا تلعفر و ل دەمێ دچو بو دەواما خو دواجبى دا دگەل کورێ خو فرهاد حسین لسەر رێکا میسل تلعفر (حى الیرموک) ل روژا 21-08-2005 هاتیە شەهید کرن ب دەسستێن تیرورستان و گەهشتیە کاروانێ نەمران.
پلە / کارگێرێ ل.ن.تلعفر

http://www.pdk-leqa1.com/sd.php?id=2441