د.چواس حسن، لەدایک بووی ساڵی 1972 شاری #قەڵادزێ# لە پارێزگای #سلێمانی#.
خوێندنی سەرەتایی و ئامادەیی لەشاری قەڵادزێ تەواو کردوە،
لەساڵی 1988 لە کۆلێژی زانست بەشی فیزیا لە زانکۆی بەسرە لە خوارووی عێراق وەرگیراوە و لەساڵی 1993 لەزانکۆی سەلاحەددین بکالۆریۆسی لە فیزیا وەرگرتووە.
ساڵی 1999 جارێکی تر دەچێتە زانکۆی سەلاحەددین و لە کۆلێژی ماف یاسا دەخوێنێت، ساڵی 2003 بە پلەی نایاب تەواوی دەکات
ساڵی 2004 لە خوێندنی ماستەر لەبەشی یاسای کۆلێژی یاسای زانکۆی سەلاحەددین وەردەگیرێت و ساڵی 2007 بەپلەی زۆر باشە تەواوی دەکات، ماستەر نامەکەی بەناونیشانی (سروشتی یەکێتی ئەوروپا) یە کە بەزمانی عەرەبی نووسیوویەتی.
لەساڵی 2008 دەبێتە وانەبێژ لەبەشی زانستە سیاسیەکانی زانکۆی سەلاحەددین.
ساڵی 2009 دەست دەکات بەخوێندنی دکتۆرا لە یاسای نێودەوڵەتی لەزانکۆی بەیروتی عەرەبی لە وڵاتی لوبنان و لەساڵی2013 بەپلەی زۆر باشە تەواوی دەکات، تێزی دکتۆراکەی بەناونیشانی (پەرلەمانی ئەوروپی ڕێگایەک بۆ یەکگرتنی ئەوروپا)یە کە بەزمانی عەرەبی نووسیوویەتی.
دکتۆر چواس، خاوەنی 5 کتێب بەزمانی کوردی و یەک کتێبە بەزمانی عەرەبی.
کتێبەکانی لەبارەی سیستەمەکانی هەڵبژاردن و پەرلەمان و یاسان..
بەدەیان وتاری لەرۆژنامەکانی باشوری کوردستاندا بەزمانی کوردی بڵاوکردۆتەوە،
وانەبێژە لە زانکۆی سەلاحەددین-بەشی زانستە سیاسیەکان..لەزانکۆی لوبنانی فەرەنسی و زانکۆی ئیشق وانەی وتۆتەوە
وانەکانی (یاسای دەستوری) (سەرەتایەک بۆ خوێندنی یاسا) (یاسای گشتی نێودەوڵەتی) (پەیوەندیە دیبلۆماسی و کونسڵیەکان) (بنەماکانی کارگێڕی) وتۆتەوە،
خێزاندارە و 3 منداڵی هەیە،
هێشتا بەردەوامە لەکاری ئەکادیمی.[1]
خاوەنی 7 کتێبە و دووانیان بەزمانی عەرەبییە
ئێستا وانەبێژە لە کۆلێژی زانستەسیاسیەکانی زانکۆی سەلاحەددین و وانەی (یەکێتی ئەوروپا) بە قۆناغی ماستەر دەڵێتەوە
ناونیشانی کتێبەکانی :
1- سیستەمەکانی هەڵبژاردن
2 - بنەماکانی هەڵبژاردنێکی بێگەرد و پەرلەمانێکی ئەکتیڤ.
3- یەکێتی ئەوروپا - وەرگێڕان-
4- دیموکراسی ناوخۆی پارتە سیاسیەکان - ئامادەکردن و وەرگێڕان-
5 - گۆڕانی کۆمەڵایەتی
6 سرووشتی یەکێتی ئەوروپا (بەزمانی عەرەبی)
7- پەرلەمانی ئەوروپا - بەزمانی عەرەبی[2]