چۆلەکە خۆت چی و گۆشتاوت چی!
چۆلەکە، کێشکە، پاساری، زۆر بچوکە و قەڵەوترین و گەورەترینیان ناگاتە(200)گرام، ئینجا دەبێت چ فروجاو و گۆشتاوێکی لێ بێتە بەرهەم؟ ئەم ئیدیۆمە بەتەوس و توانجەوە بەیەکێک دەوترێت کە خۆی زۆر هەڵبکێشێت و هیچیشی لەبارا نەبێت، یان کەم و بچوک بێت و پڕوپاگەندەی بەهێزی و گەورەیی خۆی بکات بە پەلارەوە به و جۆرە کەسانە دەوترێت(چۆلەکە خۆت چی و گۆشتاوت چی؟). [1]
چۆلەکە یان پاساریی: باڵندەیەکی بچووکە و لەناو گوند و شاری کۆمەڵگەی کوردەواردا بە شرووشتیی و ئازادیی دەژیی، زۆر جار لەلایەن خەڵکەوە ڕاودەکرێت، گۆشتەکەی کەم و بەلەزەتە، پەندەکە مەبەست لە شتی کەم و بچووکە کە بەشی هیچ نەکات، تەنیا کەسەکەی لەسەر ڕووزەرد ببێت.[2]