هێمن محەمەد
دوای ئەوەی هەفتەی ڕابردوو جووتیارێکی دانیشتووی شارەدێی قۆرەتوو سەرقاڵی لابردنی گردێک دەبێت لەناو زەوییە کشتوکاڵییەکەیدا، گۆزەیەکی گەورە و دێرین دەدۆزێتەوە کە مێژووەکەی بۆ سەردەمی ساسانییەکان دەگەڕێتەوە.
محەمەد عەلی، لێپرسراوی مۆزەخانەی شارستانی گەرمیان، بە خەندانی وت: هەفتەی ڕابردوو دانیشتوویەکی گوندی قەڵاتەپان، سەربە شارەدێی قۆرەتوو، بە مەبەستی ڕێککردنەوەی زەوییە کشتوکاڵییەکەی ویستوویەتی گردێکی بچوک لەناو زەوییەکەدا لا ببات، دواتر گۆزەیەکی قەبارە گەورەی دۆزیوەتەوە.
وتیشی: بەپێی زانیارییە سەرەتاییەکان مێژووی گۆزەکە بۆ سەردەمی ساسانییەکان لەنێوان ساڵانی (1500-1800ز) دەگەڕێتەوە.
ئەوەشی خستەڕوو، لەو کاتەدا کە شە و بووە، ئەو جووتیارە پۆلیس و ئاساییشی شارەدێی قۆرەتوو لە گۆزەکە ئاگادار کردووەتەوە، دواتریش هەمان شە و تیمێکی بەشی پشکنینی بەڕێوەبەرایەتییەکەمان گەشتوونەتە ئەو شوێنە و گۆزەکەیان دەرهێناوە، بەڵام هێشتا لێکۆڵینەوە لەسەر مێژووی تەواوی ئەو گۆزەیە تەواو نەبووە.
شارەدێی قۆرەتوو سەر بە ئیدارەی گەرمیانە و دەکەوێتە دووری 30 کم لە خۆرهەڵاتی شاری کەلار
-04-12-2014