ڕێکخراوی دۆر بۆ زانیاری نەوتیی هەرێمی کوردستان ڕاپۆرتی ساڵی 2014ی تایبەت بەنەوت و غازی سروشتی لە هەرێمی کوردستان بڵاودەکاتەوه و ڕایدەگەیەنێت یەدەگی هەرێمی کوردستان بەرزبووەتەوە بۆ 58 ملیار بەرمیل.
ئاوێنەنیوز: بەپێی ڕاپۆرتەکەی ڕێکخراوی دۆر کە وێنەیەکی بۆ ئاوێنەنیوز نێردراوە یەدەگی نەوتی هەرێمی کوردستان بەرزبووەتەوە بۆ 58 ملیار بەرمیل و ساڵی 2014 بڕی 10 ملیار بەرمیل نەوتی کەرکووکیش بۆ یەدەگی نەوتی هەرێمی کوردستان زیاد بووە.
هاوکات ڕاپۆرتەکە باسی بەرهەمهێنانی کردووه و بەپێی ئامارەکان بێت هەرێمی کوردستان توانیویەتی لەساڵی 2003-2013، 272 ملیۆن و 645 هەزارو 911 بەرمیل بەرهەم بهنێت، هاوکات لەسەرەتای ساڵی 2014و تاکۆتایی، بەرهەمی ڕاستەقینە پێکهاتووە لە67 ملیۆن و 94 هەزارو 778 بەرمیل.
هەرچی لەبارەی بەرهەمی غازی سروشتییەوەیە ڕاپۆرتەکەی دۆر ئەوەی ڕوونکردوەتەوە "هەرێمی کوردستان ساڵی 2017 بەقەبارەی 55 ملیۆن پێ سیجا غازی سروشتی هەناردە دەستپێدەکات و لە2019 ئه و قەبارەیە بۆ 200 ملیۆن پێ سێجا بەرز دەبێتەوە".
هەروەکو لەبارەی هەناردەکردنەوە ڕاپۆرتەکەی دۆر ئەوەی خستووەتەڕوو "هەرێمی کوردستان لە2003-2014، 145 ملیۆن و 21 هەزارو 248 بەرمیل نەوتی هەناردەکردووه و داهاتی ئه و هەناردەیەش بەکۆی گشتی هەرێم لە2003 تا کۆتایی 2014، 14 ملیارو 675 ملیۆن دۆلار بووە.
لەبارەی پاڵاوتنیشەوە دۆر ئاماری تەواوی 3003 تا 2014 دەخاتە ڕوو بەشێوەیەکی وورد ئاماژە بەوە دەکات "ساڵی 2014 هەرێمی کوردستان 39 ملیۆن و 460 هەزارو 343 هەزار بەرمیلی پاڵاوتووە".
بەشێکی ڕاپۆرتەکەی دۆر پێکهاتوون لەئاماری بیرو کیڵگه و کرێکار، هاوکات قەیرانی بەنزین و هەناردەی نەوت و شەڕی داعش، "هەرێمی کوردستان توانیویەتی کێشەکانی بەردەم هەناردەی نەوت لاببات".
هاوکات لەبارەی بازرگانی نەوت لەگەل داعش ئەوەی ئاشکراکردووە "تائێستا 15 کەس بەهۆی بازرگانی نەوت لەگەڵ داعش دەستگیکراون".
هەرچی لەبارەی قەیرانی بەنزینیشەوە چەندین زانیاری خستووتەڕوو و پێشبینی دەکات "لە2015 بەنزین بۆ 700 دینار کەمبکرێتەوە".
- 06-01-2015