بەناوی خوای گەورەو میهرەبان
بەبۆنەی جەژنی ڕەمەزانەوە، بەناوی خۆم و #پەرلەمانی کوردستان#ەوە، پیرۆزبایی لە هاونیشتمانیانی کوردستان و هێزی پێشمەرگەی کوردستان و فەرمانبەران و سەرجەم چین و توێژەکانی کوردستان دەکەم.
لەم ڕۆژەدا، کە هەمومان لە پێشوازی ڕۆژەکانی جەژنی ڕەمەزان داین، هەرێمەکەمان لەبەردەم وێستگەیەکی پڕ لە کێشە و ململانێ و قەیرانی دارایی و بێ موچەیی و چەندین کێشەی کەڵەکەبووی سیاسی تردایە و ئەمەش باری ژیان و گوزەرانی هاوڵاتیانی هێندەی تر قورس کردووە.
هیوادارین هاتنەوەی جەژن، بکرێتە دەرفەتێک بۆ تێپەڕاندنی کێشەکان و کاری پێکەوەیی لە نێوان هەمو لایەکدا بۆ هێنانە کایەی ژیانێکی شەرەفمەندانە و سەربەرزانە بۆ هاوڵاتیانی هەرێمی کوردستان.
لە کۆتایدا دوبارە جەژنی ڕەمەزان لە خێزان و کەسوکاری شەهیدان و پێشمەرگە قارەمانەکان و سەرجەم هاوڵاتیانی هەرێمی کوردستان پیرۆز دەکەین.
د. یوسف محەمەد سادق
سەرۆکی پەرلەمانی کوردستان
24-6-2017