نووسەر: بێهزاد قادری
. چیرۆکی شاوەتی جنۆکە، چیرۆکی ژیانی عەبە پشت کۆمە لە سەردەمێکی نە زۆر دووردا؛ کوڕێکی نوقسان کە کۆمەڵگا لای دەدات و سروشت وەها خوڵقاندوویەتی کە بۆ دڵ چەڕاندن، لە ئاژەڵانیش لانەدات! ڕەنگە چیرۆکی عەبە پشت کۆم، تراژدییەک بێت... ڕەنگە عەبە پشت کۆم خوڵقێنەرێک بێت کە جنۆکە دەخوڵقێنێت و جنۆکەیش ڕامان، چ کارەساتێک بخوڵقێنێت! ڕەنگە لەو وشە و وێنانەی کە بەکار براون، گۆناتان سوور ببێتەوە، بەڵام ئەمە تەنیا چیرۆکێکە، نەک گوتارێکی ئەخلاقی. وشە و وێنەگەلێک، کە لە ڕاستییەکان سەرچاوەیان گرتووە، نەک لە زەینێکی پەرێشان؛ یان ڕەنگە بەپێچەوانەوە و ئەوە تۆی کە بڕیار دەدەیت چلۆن عەبە پشت کۆم و چیرۆکەکەی ببینیت!