دواڕۆژ، پشتیوان جەمال
یەکێتی بەڵێندەرانی کوردستان ڕایدەگەیەنێت: لەو 100 ملیۆن دۆلارەی کە حکومەتی هەرێم بۆ بەڵێندەرانی خەرج دەکات 43%ی بۆ پارێزگای #سلێمانی#یە.
شێخ ناجی عیزەدین، بەرپرسی لقی سلێمانی یەکێتی بەڵێندەرانی کوردستان لە لێدوانێکدا بۆ دواڕۆژ ڕایگەیاند: ئەو 100 ملیۆن دۆلارەی لەلایەن حکومەتی هەرێمی کوردستانەوە بۆ بەڵێندەران خەرج دەکرێت، 43%ی بۆ سنوری پارێزگای سلێمانییە کە 43 ملیۆن دۆلارە، بەڵام تائێستا میکانیزمی سەرفکردنی دیارینەکراوە، چونکە نەخراوەتە سەر حسابی #وەزارەتی دارایی#.
ناوبراو ئاماژەی بەوەکرد: دابینکردنی ئەو پارەیە هەرچەندە بڕەکەشی زۆر نییە، بەڵام بۆ بەڵێندەران و کەرتی ئابووری باشە.
کۆتایی هەفتەی ڕابردوو #ڕێباز حەملان#، وەزیری دارایی و ئابووری ڕایگەیاند: بڕیاری سەرفکردنی 100 ملیۆن دۆلار بۆ بەڵێندەران دەرچووە.
#28-10-2018#