simko fayzi
سمکو فیضی
سمکۆ فەیزی، لە دایک بووی ساڵی 1360 ی هەتاوی، لە شاری بۆکان. ئەندامی ڕەسمیی (خانە موسیقی ئێیران)ە و تەحسیلاتی کارناسی باڵای حقوق(یاسا)ی هەیە..
هەر لە سەرەتای مناڵییەوە چۆتە ناو دوونیای هونەر و بە هۆی دەنگ خۆشییەکی زاتی کە لە بنەماڵەیان دابوو زۆر زوو لە ئاستی شارستان و پارێزگا لە ئاستی گۆرانیبێژی قوتابخانەیی توانیی خۆی نیشان دا و چەندین ساڵ لە پلەی یەکەمی ئەو بووارە هونەرییە دابوو و هەر ئەوە بووە هۆی خولیایی زیاتری ئەو هونەرمەندە بۆ موسیقا و حەولی دا کە فێری ئامێری پیانۆ و ئۆڕگ و ئاکاردۆن بێت و تەنانەت بە بێ بوونی هیچ مامۆستایەک و بە هەوڵ و تێکۆشانێکی زۆر توانیی بەباشی فێر بێت وئێستا نزیک بە 25 ساڵە لە بووارەکانی، ئاوازدانەری(آهنگسازی)، .، دابەش کردنی مۆسیقا(تنظیم کننده موسیقی)، .، گۆرانی بێژی و فێرکاری(تدریس) مۆسیقا چالاکی دەکا و لەو ماوەیە دا توانیوەیەتی جگە لە بەرهەمەکانی خۆی وەک گۆرانی بێژ، بۆ هەندێکی زۆر لە هونەرمەندانی کوردوستانی ناوخۆ و دەرەوەی وڵات و هەروەها بۆ هەندێکی زۆر فیلمی سینەمایی و موستەنەد و شانۆ...مۆسیقا دابنێ و لە هەندێک لە فیستیوال و مێهریجانەکانی ناوخۆ و دەرەوەی وڵات بە بەرهەمەکانی بەشدار بێت و چەندین پلەی جۆراوجۆر بەدەست بێنێت..
سمکۆ فەیزی تا ئێستا بۆ پتر لە 60 فیلم و تئاتری جۆراوجۆر ئاهەنگسازی کردووە و زیاتر لە 200 پارچە مۆسیقاشی بۆ گۆرانیبێژان و هونەرمەندانی دیکە داناوە و بۆخۆشی خاوەنی 16 گۆرانییە کە بە دەنگی خۆی تۆماری کردووە و لە مێدیاکان بە سەرکەوتوویی بڵاو بوونەتەوە و خاوەنی ستایل و جەماوەری تایبەت بە خۆیەتی..
هونەرمەند سمکۆ فەیزی ئێستا لە شاری بۆکان خاوەنی فێرگە و ستودیو سەدەفه و خەریکی ئاوازدانەری و دابەش کردنی مۆسیقایە و لە پەنای ئەویشەوە لە بوواری فێرکاری مۆسیقا خزمەت بە هونەری کوردی دەکات.
هونەرمەند سمکۆفەیزی دوایین کاری بەدەنگی خۆی بەناوی لێرە لای لایە نییە بڵاو کردەوە و پێشکەشی جەماوەری کرد و ئێستاش خەریکی درووست کردنی چەند پارچە مۆسیقایە بۆ خۆی و هەندێک هونەرمەندی بەڕێز کە بە زوویی دەکەوێتە بەر گوێی بیسەران..
ئەو هونەرمەندە چەند کتێبی لە بوواری فێرکاری مۆسیقا و هەروەها کتێبێکیشی لەسەر مۆسیقای کووردی نوسیوە کە ئامادەی چاپ و بڵاو بوونەوەیە.[1]
=KTML_Link_Facebook_Begin=https://www.facebook.com/simko.fayzi=KTML_Link_Facebook_Between=فەیسبووکی: سمکۆ فەیزی=KTML_Link_Facebook_End=