نووسینی: #کەریم کاکە#
نۆیەمین کتێب و بەرهەمی کەریم کاکە نووسەری ناسراوی کورد بەناوی لە ناوزەنگەوە لۆ بابەگوڕگوڕ کە کتێبێکی یادەوەری و سەربردەیە و بە زمانێکی ئەدەبی نووسراوەتەوە، چاپ و بڵاو کرایەوە.
لەمبارەوە کەریم کاکە، بە (باسنیوز)ی ڕاگەیاند: ئەم کتێبە لە ناوەکەیڕا دیارە، لە ناوزەنگی بارەگای پێشمەرگەوە دەست پێ دەکات، بابەگوڕگوڕیش مەبەست دوامەنزڵ دەگەیەنێ.
لەبارەی ناوەرۆکی کتێبەکەوە گوتیشی: کتێبی (لە ناوزەنگەوە لۆ بابەگوڕگوڕ) سەربردەی پێشەرگەیەکی سادە(تۆ بڵێ دەستەیەک پێشمەرگە)یە، هەندێ لەو گرتە و گوتانە نیشان دەداتەوە کە لەو ڕێوبانە لە ماوەی بیست و حەوت ڕۆژ (5 31/ 3 1991) ساڵی ڕاپەڕین، بینویەتی و بیستوویەتی، ئەو پێشمەرگەیە خۆم بووم.
ئاماژەی بەوەش کرد: دیارە ئەو کتێبە بە زمانی سیاسەت و مێژوو نا، بە زمانی ئەدەب نووسراوەتەوە، بۆیە ئاساییە وەک دەقێکی ئەدەبی چاوی لێبکرێ، من بەو شێوەیە یادەوەریی خۆم دەنووسمەوە، گوڵەستێرەکان کوژانەوەشم هەر وا نووسیوەتەوە...
لەبارەی چۆنیەتیی چاپی کتێبەکەیەوە ڕای گەیاند: کتێبی (لە ناوزەنگەوە لۆ بابەگوڕگوڕ) 252 لاپەڕەی قەوارە مامناوەندیە و لە بەڕکی خۆم چاپ کراوە، لەبەر ئەوەی چاپ لێرە زۆر گرانە، لە ئێران چاپم کرد.