دواڕۆژ، بورهان یەحیا
رێڤەبەرییا گشتییا گەشتوگوزارێ ل پارێزگەها #دهۆک# راگەهاند؛ ل سالا 2018ێ بەراورد دگەل سالا بۆری ب رێژەیا نێزیکی 18% داهاتێ گەشتیاری ل پارێزگەهێ زێدە بوویە.
عوبەیدوللا داوود رێڤەبەرێ گشتیێ گەشتوگوزارا پارێزگەها دهۆک د کۆنگرەیەکێ رۆژنامەڤانی دا راگەهاند هەتا نوکە ل سنۆرێ پارێزگەها دهۆک 732 مۆلەت بۆ بنگەهێن گەشتیاری هاتینە دان و بەردەوام رێژەیا وان بەرەڤ زێدەبوونێ دچیت و بەراورد دگەل سالا بۆری رێژەیا تۆمارکرنێ نێزیکی 20% زێدە بوویە و ئەگەرێ وێ ژی بۆ خۆرتبوونا بزاڤا گەشتیاری ل پارێزگەهێ دزڤریت.
دیارکرل سالا 2018ێ تیمێن پشکنین و دووڤچۆنێ یێن رێڤەبەریێ شیاینە 1500 جاران پشکنینا ڤان بنگەهێن گەشتیاری بکەن کو هندەک ژوان چەند جارکی بووینە و د ئەنجام دا 132 هوشداری بۆ ڤان بنگەهان هاتینەدانو 35 بنگەه ژبەر پێگیرینەکرن ب رێنومایان هاتینە دائێخستن و 25 سزادان ب پارەی هەبووینە و دگەل هندێ 10 سۆپاسی ئاراستەی بەشەک ژ بنگەهێن گەشتیاری یێن سەرکەڤتی و رێکوپێک هاتینەکرن و 6 بنگەه دێ خەلاتێ جۆری یێ رێڤەبەریێ بۆ سالا 2018ێ وەرگرن.
خویاکر ل سالا بۆری بۆ بەلاڤکرنا رەوشەنبیرییا گەشتیاری 20 خول هاتینە ڤەکرن چ بۆ کارمەندێن رێڤەبەریێ یان بۆ کارمەندێن ل وان بنگەهێن گەشتیاری کار دکەن کو نێزیکی 300 کەس تێدا بەشدار بووینە.
ئاماژەکر داهاتێ گەشتیاریێ پارێزگەهێ ل سالا 2018ێ بەراورد دگەل سالا بۆری نێزیکی 18% زێدە بوویە لێ بۆ بجهئینانا پڕۆژە و خزمەتگوزاریێن گەشتیاری چ بودجە ژلایێ حوکمەتێ ڤە نەهاتینە دابینکرن لێ ژ پشکا 17% ژ داهاتێ گەشتیاری کو بۆ رێڤەبەریێ دمینیت هندەک پڕۆژەیێن خزمەتگوزاری بۆ بنگەهێن گەشتیاری هاتینە بجهئینان.[1]
#31-12-2018#