تفەنگی تۆ خاڵيە، بەڵام دڵی من واناڵێت
هەموو جارێ خاڵم(رەشيدی حاجی ساڵحی #ئيلنجاغی گەورە#)ی شارەدێی #تەقتەق# دەيگۆت: (مام کاکەڕەش سەعدون ئيبراهيم تەقتەقی لەگەڵ باوکم هاوڕێيەتی هەبوو هاموشۆی يەکتريان دەکرد جارێکيان لەسەروبەندی شۆڕشی ئەيلول(1961-1963) بابم دەيوست چەکێک بکڕێت و مام کاکەڕەشيش پێی دەگۆت حاجی ساڵح چەکەکی بکڕە دوو کەس لێی بترسێت يەکێکيان ناحە ز و دز و دوژمن بڵێن چەکی پێ يە و دووەميش خۆت لەکاتی کوللە خستنە بەری بڵێی خودايە دەبێت بتەقێت) مەبەستی مام کاکەڕەشيش بۆ ئەوەبووە کە لەوانەيە شۆڕش بەباشی چەکەکەی بزانێت لێی بسێنێت يان لەوسەروبەندی دز و سەگوسوار زۆربووە نەوەک تەماح و چاوچنۆکی بخەنەسەری، ئەمە لەلايەک لەلايەکتريشەوە تفەنگ کە هێمای جەنگ و شەڕ و خۆپارێزی و پەلامار و دەست بەسەراگرتنە شوێنی شمشێری گرتۆتەوە، هەناوی پڕيەتی لەئاگر بپڕمێنێ سوتان و برينی لێ دەکەوتەوە بۆيە هەردەم جێگەی خورتەی دڵ و نائارامی و بێ ئۆقرەيی يە هەر لەبەر ئەمەشە کورد لەناو پەند وئيديۆمدا جێی کردۆتەوە و بەمەرام و مەبەستی جياوە بەکاری هێناوە و وتويەتی(تفەنگی تۆ خاڵيە بەڵام دڵی من واناڵێت).