بەگوێرەی هەوالێکی ماڵپەری تۆڕی مافەکانی مرۆڤی کوردستان لە مانگی کانونی یەکەمی ساڵی2019وە، 39 هاوڵاتی خوێندکار و چالاکوانی مەدەنی کورد لەلایەن هێزە ئەمنییەکانەوە دەستبەسەرکراون و 10 هاوڵاتی دیکەش بەمەبەستی تێپەڕکردنی سزای بەندکران ڕەوانەی بەندیخانەکان کراون.
بەپێی ئەو ئامارانە 33 لەو دەستبەسەرکراوانە تا ئێستا دەستبەسەرن یان هیچ هەواڵێک سەبارەت بە ئازادکردنیان لە بەردەستدا نییە و 6 هاوڵاتی دیکەش بە دانانی بارمتە یان بڕیاری کەفالەت ئازادکراون.
لەو مانگەدا هەروەها 9 خوێندکار لەلایەن هێزە ئەمنییەکانەوە دەستبەسەرکران، لەوان پێویستە ئاماژە بە 3 خوێندکاری زانکۆی کوردستان لە #سنە# و 5 خوێندکاری زانکۆی ڕازی #کرماشان# بدرێت کە پاش بەڕێوەچوونی خۆپیشاندانە خوێندکارییەکان دژ بە کەوتنە خوارەوەی فڕۆکەی ئوکراینی لەلایەن سوپای پاسدارانەوە دەستبەسەرکران.
لە سنە 10 کەس، لە کرماشان 8 کەس و لە #مەریوان# 6 کەس دەستگیرکراون؛ لە #شنۆ# 5 کەس ڕەوانەی زیندان کراون و هاوڵاتی و چالاکوانی تر لە شارە جیاکانی ڕۆژهەڵاتی کوردستان دەستگیرکراون.[1]
#23-01-2020#
|
دەستگیرکردنی 39 هاوڵاتیی ڕۆژهەڵاتی کوردستان لە مانگی کانونی یەکەمی ساڵی 2019دا
|
|
|
|
|
|
|