ل وی دەمێ خرڤەبوونەک ژلایێ هەژمارەک ژ فەرمانبەر و ماموستایان ل پارێزگەها دهوکێ ل رۆژا شەمبی 16/5/2020 ل وێ خرڤەبوونێ هێزێن پۆلیسان هەژمارەک ژ ڕۆژنامەڤانان دەستەسەرکرن و کەل و پەلێن وان یێن وێنەکرنێ دەست ب سەردا هاتەگرتن، بێی هەبوونا هیچ بەهانەیەکا یاسایی و ئەڤە دهێتەدان پێشلکاری بۆ یاسایا کارێ ڕۆژنامەڤانیێ یا هەژمار 35 یا ساڵا 2007ێ ئەوا رێگریێ ژ ڕاگرتن یان زیندانیکرنا ڕۆژنامەڤانی ل دەمێ کارێ وی دکەت، پشتی چەندین پێکۆڵێن ڕژد ژ لقا دهوک یا سەندیکایا ڕۆژنامەڤانان بۆ ئازادکرنا ڕۆژنامەڤانان بەرپرسێ بنگەهێ پۆلیسێن نزارکێ ڕەتکر پارێزەرێ سەندیکایێ بەژداری پێڕابوونێن ڤەکۆلینێ ببیت و ڕێگری ل نوونەرێ سەندیکایێ هاتەکرن بۆ چوونا دناڤ بنگەهیدا و ئەڤە دهێتەدانان ڕەفتارەکا نەیاسایی، لەوڕا داخازێ ژ جهێن پەیوەندیدار ل دهوکێ دکەین ب ئازادکرنا هەر شەش ڕۆژنامەڤانێن هاتینەگرتن و زڤڕاندنا کەل و پەلێن وان ب زویترین دەم، و ئەم دووبارە ئیدانەیا گرتنا ڕۆژنامەڤانان و ڤان ڕەفتارێن نەبەرپرسانە بەرامبەر نوونەرێ سەندیکایێ ل دهوکێ دکەین.
لژنەیا بەرەڤانیکرنێ ژ ئازادیێن ڕۆژنامەڤانی و مافێن ڕۆژنامەڤانان ل سەندیکایا ڕۆژنامەنڤیسێن کوردستانێ
#16-05-2020#
دون هذا السجل بلغة (کرمانجی - کوردیی سەروو)، انقر علی ايقونة
لفتح السجل باللغة المدونة!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
تمت مشاهدة هذا السجل 1,957 مرة