ناوەندی ڕاگەیاندنی یەکینەکانی پاراستنی گەل (#یەپەگە#) لە ڕاگەیەندراوێکدا ناسنامەی #شەڕڤان#ێکی شەهیدی ڕیزەکانی خۆی کە خەڵکی ڕۆژهەڵاتی کوردستانە ئاشکراکرد کە 20-06-2020 بە هۆی نەخۆشییەوە لە ڕیزەکانی خەباتتدا گیانی بەختکردووە.
بە گوێرەی ڕاگەیەندراوەکەی یەپەگە، شەڕڤانەکە ناوی فیراس سەردار-ە کە لە خێزانێکی نیشتیمان پەروەر لە شاری #ماکۆ#ی ڕۆژهەڵاتی کوردستان لەدایکبووە و لە ساڵانی ڕابردوودا چووتە ناو ڕیزەکانی یەپەگە و بەشێوازێکی بەهێز و لەخۆبوردووانە ڕووبەڕووی هەموو ئەو دەستدرێژیی و پیلانگێڕیانە بووەتەوە کە ئامانجیان لە ناوبردنی دەستکەوتەکانی گەلی کورد بووە لە ڕۆژئاوای کوردستان، تاوەکو لە 20-06-2020 بەهۆی نەخۆشییەوە گیانی بەختکردووە.
ناسنامەی شەهید:
نازناو: فیراس سەردار
ناو: ڕەمەزان کازمیان
ناوی دایک: ئامینە
ناوی باوک: هەمزە
شوێنی لەدایکبوون: ماکۆ
ڕۆژی شەهیدبوون: 20-6-2020
لەکۆتایشدا یەپەگە لە کەسایەتی شەهید فیراسدا سڵاو بۆ سەرجەم شەهیدانی ڕێگای ئازادیی دەنێرێت و خوازیاری سەرکەوتن و ئارامییە بۆ بنەماڵەکەی.