$باکووری کوردستان$
- ئومێد دەدە جێگری هاوسەرۆکانی هەدەپە ڕایگەیاند، سیاسەتمەدارە دەستگیرکراوەکان ژەهرای بوون و ڕەوانەی نەخۆشخانە کراون. ڕاشیگەیاند، ئایهان بیلگەن لە دوای پێدانی خۆراکی شل ڕەوانەی ئاسایش کرایەوە و 2 سیاسەتمەداری تریشیان گواستەوە بۆ نەخۆشخانە.[1]
$رۆژهەڵاتی کوردستان$
- #کۆڵبەر#، ڕەحیم ئیرەجی خەڵکی گوندی قوروە_دەرەی شاری #سەقز#، بە تەقەی هێزە نیزامییەکانی حکوومەتی لە سنووری #هەنگەژاڵ#ی #بانە# بە سەختی بریندار بوو.[7]
- مێعراج مورتەزایی، هاووڵاتیی خەڵکی گوندی دێوەزناوی #سەوڵاوا# دوای دوو مانگ دەستبەسەر کران بە دانانی بارمتەی 40 میلیۆن تمەنی و بە شێوەی کاتی لە بەندیخانەی ناوەندیی شاری #سنە# ئازاد کرا.[9]
- بڕیاری دەستبەسەر کرانی فەرانەک جەمشیدی، ژینگەپارێز و ئەندامی کۆمەڵەی سەوزی کوردستان بۆ جاری سێهەم لەلایەن لقی دووهەمی دادگای گشتی و شۆڕشی شاری سنە بە سەرۆکایەتی دادوەر ”شالگەردی“ درێژکرایەوە.[9]
$باشووری کوردستان$
- وەزارەتی تەندروستیی هەرێمی کوردستان دەڵێت، لە 24 کاژێری ڕابردوودا 735 تووشبوون و 22 کەسیش مردوون.[2]
- لە هۆڵی کۆلێژی زمان لە زانکۆی #سلێمانی# چلەی ماتەمینی بۆ پێشمەرگەو مامۆستای زانکۆ پڕۆفیسۆر #محەمەد کەساس# جەباری بەڕێوەچوو.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/386635/0003.JPG=KTML_ImageCaption_Title=چلەی ماتەمینی پرۆفیسۆر د.محەمەد کەساس بەڕێوەدەچێت=KTML_ImageCaption_CaptionStyle=000000=KTML_ImageCaption_Caption=چلەی ماتەمینی پرۆفیسۆر د.محەمەد کەساس بەڕێوەدەچێت=KTML_ImageCaption_End=
- وەزیری بەرگری ئیتالیا گەیشتە هەرێمی کوردستان و لە فڕۆکەخانەی #هەولێر#یش بەڕێوڕەسمێکی سەربازی لەلایەن #شۆڕش ئیسماعیل# وەزیری پێشمەرگەی هەرێمەوە پێشوازی لێکرا.[3]
- فەرمانگەی کشتوکاڵی #کەرکووک# ڕەتیدەکاتەوە پەیوەست بێت بە بڕیارێکی وەزارەتی دادی عیراق بۆ ڕاگرتنی کارکردن بە گرێبەستە کشتوکاڵییەکانی پارێزگاکە و بە پاساوی ئەوەی ئەوان فەرمان لە وەزارەتی کشتوکاڵ وەردەگرن.[5]
- لە هاوینەهەواری #دوکان# لە سنووری پارێزگای سلێمانی، دوو ئەندامی دژە تیرۆری #یەکێتیی نیشتمانیی کوردستان# کە خەڵکی تەکیەی جەبارەی سەر بە #چەمچەماڵ#ن، کوژران.[6]
- لە ڕۆژی مافی بەدەستهێنانی زانیاریدا لەشاری سلێمانی کۆبوونەوەیەکی فراوان بۆ ڕۆژنامەنووسان ئەنجامدرا، تێیدا جەخت لەوەکرایەوە، کە لە هەرێمی کوردستان ڕۆژنامەنووس دەستی بە زانیاریی ناگات، ئەوەش هەوڵەکانی حکومەت بۆ چاکسازیی دەخاتە ژێر پرسیارەوە، #قوباد تاڵەبانی#، جێگری سەرۆکی حکومەتی هەرێمیش لە پەیامێکدا کە بۆ کۆبوونەوەکەی ناردبوو، دەڵێت: بەهۆی دۆخی خراپی هەرێمی کوردستانەوەیە نەتواندراوە یاسای مافی بەدەستهێنانی زانیاری جێبەجێ بکرێت.[8]
$رۆژئاوای کوردستان$
- چەتەکانی سەر بە دەوڵەتی تورکی داگیرکەر هەڵیانکوتایە سەر گوندەکانی قاتوف و تل دیاب و بە پاساوی ئەوەی پەیوەندییان بە تەقینەوەکانی #سەرێکانی#یەوە هەیە، هەوڵیاندا هەندێک لە هاووڵاتییانی ئەو گوندە دەستگیر بکەن و لەگەڵ خۆیان بیانبەن، بەڵام دانیشتوانی ئەو دوو گوندە لە دژی چەتەکان ڕاپەڕین.[1]
$دەرەوەی کوردستان$
- ئان لیندی وەزیری دەرەوەی سوید ناڕەزایی بەرامبەر هێرشی قڕکردنی سیاسیی ئاکەپە و مەهەپە لەدژی هەدەپە پیشاندا.[1]
- سەرۆکی پارتی چەپی سوید لە تۆڕە کۆمەڵایەتیەکاندا پەیامێکی بڵاوکردەوە و دەستگیرکردنی سیاسەتمەدار، هاوسەرۆکی شارەوانی و ئەندامانی #هەدەپە#ی شەرمەزار کرد.[1]
- هەرێمی قەڕەباخ کە ئازربایجان هێرشی کردووەتە سەری ڕایگەیاند، هەلیکۆپتەر و فڕۆکەی جەنگی تورکیا و چەتەکانی لەدژی ئەوان بەکاردەهێنرێن.[1]
- بەهۆی بەردەوامی هێرشە مووشەکییەکانەوە، باڵیۆزی ئەمەریکا بەغدای جێهێشت و گرووپە چەکدارەکانی عێراقیش هەڕەشە لە هێزەکانی ئەمەریکا دەکەن.[4]
- ڕۆژنامەی تایمزی بەریتانی ڕایگەیاند، واشنتن پلانی هەیە بۆ ئەوەی بە گواستنەوەی کەلوپەلە جەنگییەکانی لە بنکەی سەربازیی ئینجەرلیکی تورکییەوە بۆ دوورگەی کریتی یۆنانی، #ڕەجەب تەیب ئەردۆغان#، سەرۆک کۆماری تورکیا لەسەر ڕەفتارەکانی سزا بدات.[4]
- کەنیاز حەسەنۆڤ ئەندام پەرلەمانی ئەرمینیای بە نەتەوە کورد، داوای پشتیوانی لە کوردانی پارچەکانی باکوور، باشوور و ڕۆژئاوای کوردستان کرد، تا ڕێگە بە دەستدرێژی تورکیا و ئازەربایجان نەدرێت بۆ سەر ئەرمینیا.[6]