کۆردیناسیۆنی پارتی ئازادی ژنانی کوردستان-پاژک بە بۆنەی ساڵیادی فەرمانی 3ی ئابی ساڵی 2014ی شەنگال، ڕاگەیێنراوێکی بڵاو کردەوە.
لە ڕاگەیێنراوەکەدا هاتووە:
ئێمە 73هەمین فەرمان ئیدانە دەکەین کە لە 3ی ئابی ساڵی 2014 دەستی پێکرد و لە شەنگال بە هەزران ژنی ئێزیدی لە لایەن #داعش#ەوە بە دیل گیران، بەسەدان کەسیش کوژران و لە بەرامبەر هەزاران ژنی ئێزدی بە ڕێبازی جیاواز دەستدرێژی و لاقەکردن و ئەشکەنجە ئەنجام درا.رلە کەسایەتی شەهید زەکی شەنگالی، شەهید بێریڤان، شەهید زەردەشت و شەهید نووژیاندا کە لە ناو تێکۆشانی ئازادیدا جێیان گرت و شەهید بوون، بە ڕێز و حورمەتەوە یادی هەموو شەهیدانی شەنگال دەکەینەوە. بانگەوازی ئاڕاستەی هەموو ژنانیش دەکەین، بۆ ئەوەی ئەم قڕکردنە لە سەر ئاستی نێودەوڵەتی وەکو 'رۆژی قڕکردنی ئێزدیەکان و قڕکردنی ژنان' قبوڵ بکرێت و بناسرێت، تێکۆشانیان گەورە بکەن.
لە لایەن هەموو هێزەکانەوە تیشک دەخرێتە سەر ئەوەی شەنگال لە ڕۆژهەڵاتی ناوەڕاست خاوەنی گرنگیەکی جیوپۆلیتیکە. لە باشوری کوردستان وەکو دەرگایەک بە ڕووی موسل و #کەرکووک#، هەروەها لە #حەسەکە#وە دەستپێدەکات و بەرەو ڕۆژئاوای کوردستان دەکرێتەوە. شەنگال هێڵێکی گرنگی تێپەڕبوونە کە لە سوریاوە دەگات بە عێڕاق و و سنووری تورکیا. ئەو هێزانەی ویستوویانە لە کوردستان دەسەڵات بن، لە کۆنەوە تا ئێستا هەمیشە هەوڵیانداوە دەست بە سەر شەنگالدا بگرن. بۆیە شەنگال هەرێمکی وەهایە کە عوسمانیەکان چەندین جار بە مەبەستی قڕکردن هێرشیان کردووەتە سەری. هاوکات یەکێکە لەو هەرێمانەی خاوەنی ئەو وتەیەن کە دەڵێت، 'جگە لە شاخەکان، هیچ پشت و پەنایەکمان نیە'.
لە بنچینەی 73هەمین فەرمانیشدا بۆ بونیادنانی دەوڵەتی ئیسلامی عێراق-شام کە ئاواتە گەورەکەی داعش بوو، دەیانویست لەسەر ئەم خاکە دەسەڵات بگرنە دەست. لەگەل گرنگیی جۆگرافیای شەنگال، هۆکاری سەرەکی هێرشەکەش ئەوە بوو کە ویستیان ڕێگری لە تێکۆشانی ئازادی کۆمەڵگای کوردستان و تێکۆشانی ئازادی ژنان بکەن کە شان بە شانی شۆڕشی ڕۆژئاوای کوردستان لە شار و گوند و کۆڵان و ناو ماڵدا بە ڕێکخراوەیی بەڕێوە چوو. هێزە دەسەڵاخوازەکان، بە تایبەت دەوڵەتی تورکیا، بەرگەی ڕێکخستنی ئازادیی ژنان، پیاوان، منداڵ و گەنج و پیر ناگرێت. ئەم هەوڵە کە بۆ خنکاندنی شۆڕشی ڕۆژئاوا دەستپێکرد، بە دەستی ئەو قارەمانانەی بڕوایان بە ئایدۆلۆجیای ڕێبەر ئاپۆ بۆ ئازادی ژنان هەیە، تێکشکێنرا.
یەکێک لە ئامانجەکانی داعش ئەوە بوو کە ئەو زێدە داگیر بکات کە لە لایەن هەموو کەسێکەوە وەکو زێدی کورد و ژنان پێناسە دەکرا. داعش لە بەرچاوی جیهان هێرشی کردە سەر ئەو کۆمەڵگا دێرینە کە بێخاوەن و بێهێز تەماشا دەکرا، بە هەزاران ژنیان ڕفاند و دەستدرێژیان کردە سەر. ئەو ژنانەی بە دیل گیران لە بازاری کۆیلەکاندا فرۆشران. ئەوەی لەو بازارانە فرۆشرا، چارەنووسی مرۆڤایەتی جیهان بوو. بە مەبەستی داگیرکردنی هەست و بیروبۆچوونی مرۆڤایەتی، ئەم هێرشەیان ئەنجامدا.
شەنگال کە دەکەوێتە چوارچێوەی مادەی 140ی 'ناوچە دابرێنراوەکان' و هەردوو حکومەتی عیڕاق و هەرێمی فیدرال تا ئێستا لەسەری ڕێکنەکەوتوون و پێشتر لە لایەن پارتی دیمۆکراتی کوردستان-پەدەکەوە بەڕێوە دەبرا. دوای ئەوەی داعش هێرشی کرد، پەدەکە کە ئیدیعای ئەوەی دەکرد لە ناوچەکە ئەو دەسەڵاتدارە، لە ماوەی چەند کاتژمێرێکدا ناوچەکەی بەجێهێشت و کۆمەڵگای ئێزدیی لە ناو چنگی داعشدا بەجێهێشت.
بۆ ڕێگریکردن لە قڕکردنی ئێزدیەکان و بۆ پاراستنی خاکی کوردستان، #شەڕڤان#انی #یەپەگە# و #یەپەژە# دەستبەجێ دەستوەردانیان کرد. دواتر بە پێشەنگایەتی 12 گەریلای #هەپەگە# و یەژا-ستار، دەروێش و عەبدالەکان بە مەبەستی ڕێگریکردن لەو فەرمانە، لە شاخەکانی کوردستانەوە ڕوویان کردە شەنگال. مێژوو ئەو ژن و گەنج و پیاوە قارەمانانەی کوردستان لەبیر ناکات، هاوکات ئەوانەی ویستبوویان بیپارێزن، بەڵام بەجێیان هێشت، ئەوانیش لە بیر ناکات.
هێرشەکەی 3ی ئاب ئەوەی بۆ کۆمەڵگای ئێزدی، ژنانی کورد، کۆمەڵگای کوردستان و بە گشتی ژنانی جیهان خستە ڕوو کە لە سەر هەر خاکێک بژین، لە کام ئایین و مەزهەب و ڕەنگ بێت و بە هەر زمانێک قسە بکەن، ئەگەر خۆت نەپارێزیت، توندوتیژی پیاوانیان بەسەر دێت. ئەم ڕاستیەش زیاتر ڕووبەرووی ژنانی کورد دەبێتەوە. چونکە دەوڵەتی تورک دەستدرێژی و لاقەکردنی ژنانی کورد وەکو ڕێبازێکی شەڕێ تایبەت بەکار دێنێت، بۆ ئەوەی ناسنامەمان، تایبەتمەندیە دێرینەکانمان لە ناو بەرێت، گیان و بیروبۆچوون و خاکەکەمان ڕووبەرووی داگیرکاری بکاتەوە. بە تایبەت خۆبەڕێوەبەری، خۆپاراستن، نوێنەرایەتی یەکسان کە لە کوردستان دەستپێدەکات، شیرۆڤەکانمان لەسەر ژینگەپارێزی، ئابوری، پەروەردەیی، ماف و یەکسانی و ئەتیک، دەسەڵاتە ناوەنگەراییەکان ناراحەت دەکات.
ئەو ناوچانەی دەسەڵاتە ناوەندگەراییەکان داگیری کردوون، بە تایبەت ئێمە و ژنان و گەلی کورد بە گشتی هەوڵ دەدەین، کە جارێکی دیکە بخەینەوە دەستی کۆمەڵگا. دەسەڵاتی ناوەندگەرایی بە دەست ڕژێمی ئاکەپە-مەهەپە، لە هەموو ئەو خاکەی کوردی تێدا دەژیت، هێرش دەکاتە سەر و ئەو ناوچانەش کە خۆبەڕێوەبەری تێدایە بە تایبەت دەکاتە ئامانج. شەنگال بەم هۆکارە بووەتە ئامانجی ڕژێمی ئاکەپە-مەهەپە. دوای 73هەمین فەرمان کە ئێمە نەمانهێشت سەرکەوتوو بێت، دەوڵەتی تورکیا 5 جار هێرشی ئاسمانی ئەنجامدا و شەنگالی کردووەتە ئامانج. دەوڵەتی تورک ئەوەی داعش نەیتوانی بیکات، ویستی بە دەستی میت و نۆکە#ڕانیە#وە جێبەجێی بکات. بەر لە ساڵیادی 3ی ئاب، لە پایتەختی تورکیا دوو خوشک کە داعش لە شەنگال بە دیلی گرتبوون، بە هەوڵی خانەوادەکەیان دۆزرانەوە. خانەوادەکەیان بە پارە، منداڵەکانی خۆیان لە داعش وەرگرتەوە. لەگەڵ ئەوەی بەدیلگرتن و کۆیلەکردن، تاوانی دژی مرۆڤایەتیە، بەڵام دەوڵەتی تورکیا هیچ وڵامێکی ئەم بارودۆخە ناداتەوە و بە پێچەوانەوە داعشیەکان دەپارێزێت. گەلی شەنگال و بە تایبەت ژنانی شەنگال لە بارەی ئەم ڕاستیەوە دەبێت زیاتر بەرێکخستنکراو بن و خۆبەڕێوەبەری بەهێزتر بکەن.
ئێمە وەکو پارتی ژنانی ئازادی کوردستان بانگەوازی ئاڕاستەی هەموو ژنانی جیهان دەکەین، بۆ ئەوەی ئەو ژنانەی لە 3ی ئابی 2014 لە خاک و کلتور و کۆمەڵگای خۆیان دابرێنران و لە بازاری کۆیلەکاندا فرۆشران، جارێکی تر بگەڕێنەوە بۆ ناو کلتور و سەر خاکی خۆیان، پشتیوانی لە تێکۆشانیان بکەن، ئێمە داواکارین بۆ ئەوەی 3ی ئاب وەکو ڕۆژی قڕکردنی ئێزدیەکان و قڕکردنی ژنان بناسرێت، تێبکۆشن.
لێپرسینەوە لەگەڵ هەموو ئەو هێزانەدا دەکەین کە قڕکردنی ئێزدیەکان و قڕکردنی ژنان ئەنجامدا. هەروەها سڵاومان دەنێرین بۆ تێکۆشانی ئازادی و خۆسەری کۆمەڵگا و ژنانی ئێزدی. یادی هەموو ئەو شەهیدانە دەکەینەوە کە لە تێکۆشانی ئازادی شەنگالدا جێیان گرت و دووپاتیشی دەکەینەوە کە دڵسۆزی ئەوانین.[1]