قسە یان لەشێتی یان لەمنداری.
شێت، هەندێ کەس پێیان وایە ئەم وشەیە دەگەڕێتەوە بۆ لایەنگرانی پێغەمبەر(شیث، شیت) گوایە ئەمانە باری دەرونیان تێکچووە، چونکە باسی شتی نەبینراو و هەست پێ نەکراو دەکەن، ئەمە لەلایەک لەلایەکیتریشەوە شێت هەموو ئەوانەی چ لە زگماکەوە یان بەهۆی بارێکی لەناکاو و نەخوازراوەوە توش بوون، باری دەروونیان تێک دەچێت، ئینجا شێت و منداڵ هیچ لێکدانەوەیەکیان نییە و دڵ و دەروونیان پاکە و دوورە لە گەرد و ڕق و کینە و ئەوەی بیبینن و گوێیان لێ بێت و بەزاریان دابێت بێ وورد بوونەوە یەکسەر دەیگێڕنەوە و باسی دەکەن زۆربەی ئه و قسانەی ئەوانیش دەیکەن ڕاست و دروستن و بێ درۆ دەردەچن بۆیە لەکوردەواریدا دەوترێت(قسە یان لەشێتی یان لە منداری) واتە قسە و گوفتاری ئه و دووانە سەد دەرسەد تەواوە و ڕاستن.[1]