بەرنامەو پەیرەوێ ناڤخویێ تەڤگەرا نوبوون
بەشێ ئێکێ : پەیرەوێ نافخویێ تەڤگەرا نوبوونا کوردستانێ
ماددێ ئێکێ : ناڤ
کوردی : تەڤگەرا نوبوونا کوردستانێ
عەرەبی : حرکة التجدید الکوردستاني
ئینگلیزی : Kurdistan Renewal Movement
کورتیا ناڤێ وێ ب BNK (بەنەکە) ئاماژە پێدهێتە کرن.
ماددێ دوویێ : دروشم
سەرخوەبوون - دادپەروەری - پێکڤەژیان
ماددێ سیێ : ڕوژا راگەهاندنێ
5 - 3 – 2012
ماددێ چارێ : پێناسە
تەڤگەرا نوبوونا کوردستانێ تەڤگەرەکا سیاسی نشتیمانیە ژ بۆی سەرخوەبوونێ و دادپەروەریێ و پێکڤەژیانێ بێی جوداهیا نەتەوی و ئاینی و... کاردکەت.
ماددێ پێنجێ : ئارم
ئارمێ تەڤگەرا نوبوونا کوردستانێ بازنەیەکە ئاماژەیە بۆ زەڤیێ (عەردی) و نەخشێ کوردستانێ تێدایە و ئالایێ پیرۆزێ کوردستانێش لسەر نەخشێ کوردستانێیە.
ماددێ شەشێ : ئەندامبوون
تەڤایا هاونیشتمانیێن کوردستانێ دشێن ببنە ئەندام بڤان مەرجێن ل خارێ :
1- ژیێ وی ل 18 سالیێ کێمتر نەبیت.
2- باوەریەکا ڕاست و درست ب بەرنامەو پەیرەوێ ناڤخویێ تەڤگەرا نوبوونا کوردستانێ BNK هەبیت. 3- فورما ئەندامبوونێ پڕبکەت.
4- ل هیچ لایەنەکێ دن یێ سیاسی ئەندام نەبیت.
5- خودان ڕەوشتەکێ جان و پاکژبیت.
ماددێ حەفتێ : ئەرکێن ئەندامی
1- خۆبەخشانە ل ئۆرگانێن تەڤگەرا نوبوونا کوردستانێ BNK کاربکەت.
2- بشێوەیەکێ دروست کاربکەت ژبۆی بدەستڤەئینانا ئارمانجێت تەڤگەرا نوبوونا کوردستانێ BNK.
3- ئێکرێزیا تەڤگەرا نوبوونا کوردستانێ BNK بپارێزیت.
4- دژی کوتلەکاریێ بیت و نهێنیێت تەڤگەرا نوبوونا کوردستانێ BNK بپارێزیت.
5- دیڤ شیانێت خۆ ئابوونێت هەیڤانە بدەت.
6- بەشداریا کۆمبوون و چالاکیێت جەماوەری... بکەت.
ماددێ هەشتێ : مافێن ئەندامی
1-مافێ دەنگ دان و خۆ هەلبژاردنێ بۆ تەڤایا ئورگانێن تەڤگەرا نوبوونا کوردستانێ هەیە.
2- مافێ بلندکرنا پێشنیاز و داخازیێن هاونشتیمانیان هەیە.
3- مافێ رەخنەگرتنێ ل تەڤایا ئۆرگان و بوارێن رێکخستنێ هەیە.
4- مافێ بەرەنگاربوون و داکوکیکرنێ هەیە.
5- مافێ بدەستڤە ئینانا زانیاریان لسەر دارایی و چەوانیا سەرفکرن و تەڤایا زانیاریێن دن هەیە.
6- داخازکرنا هاریکاریێ وکۆمەک ل دەمێن پێتڤی.
ماددێ نەهێ : سزادان
هەر هەندامەکێ تەڤگەرا نوبوونا کوردستانێ لدیف کێمترخەمیێ و تاوانێ ب ڤی شێوەی دێ هێتە سزادان :
1- ئاگەهدارکرن.
2- هەلپساردن.
3- دەرئێخستن.
ماددێ دەهێ : ئورگانێن وێ
ئورگانێن تەڤگەرا نوبوونا کوردستانێ دێ بڤی شێوەی بیت
ئێک : ئەنجومەنێ گوندی ل بەرپرس و چار ئەندامان پێک دهێت. دەسهەڵات و ئەرک
ٲ- بلندترین ئۆرگانێ تەڤگەرا نوبوونا کوردستانێیە ل گوندان.
ب- ژلایێ کۆنفرانسا ناڤخۆ دێ هێتە هەلبژاردن.
ج- ئەنجومەنێ گوندی ل بەشێن رێکخستن و دارایی و کارگێری و پەیوەندی و راگەهاندن پێک دهێت و لدیف شیان و زیرەکیێ بەش لسەر ئەندامان دهێنە پارڤەکرن.
د- هەیڤێ دووجاران کوم دبیت.
ح- راپۆرتا هەیڤانە بۆ ئەنجومەنێ ناحیێ بلندبکەن.
خ- بەرپرسێ ئەنجومەنێ گوندی ئەندامێ ئەنجومەنێ ناحیێیە.
چ- ل دەمێ ئامادەنەبوونا بەرپرسی ب هەر ئەگەرەکێ بیت ٫ بەرپرسێ پشکا رێکخستنێ دێ جهێ وی گریت.
دووەم : ئەنجومەنێ ناحیێ
ل بەرپرس و پێنج ئەندامان پێکدهێت.
ئەرک و دەسهەڵات
ٲ- بلندترین ئۆرگانێ (تەڤگەرا نوبوونا کوردستان)ێیە ل ناحیاندا.
ب- ژلایێ کۆنفرانسا ناڤخۆیی دێ هێتە دەست نیشانکرن.
ج- بەرپرسێ ئەنجومەنێ ناحیێ ئەندامێ ئەنجومەنێ قەزایێیە.
د- ئەنجومەنێ ناحیێ ڤان بەشێن تایبەت بخوڤە دگریت و لدیف شیان و زیرەکیێ لسەر ئەندامان دهێنە دابەشکرن (پارڤەکرن). بەشێن وێ ئەڤەنە : رێکخستن و کارگێری و دارایی و پەیوەندی و راگەهاندن
ح - هەیڤێ ئێک جار کوم دبیت
خ- راپۆرتا هەیڤانە بلندبکەت بۆ ئەنجومەنێ قەزایێ
چ- ل دەمێ ئامادەنەبوونا بەرپرسی ب هەر ئەگەرەکێ بیت، بەرپرسێ بەشێ رێکخستنێ جهێ وی دێ گریت.
سێیەم : ئەنجومەنێ قەزایێ ل بەرپرسەک و شەش ئەندامان پێک دهێت. ئەرک و دەسهەڵات
ٲ- بلندترین ئۆرگانێ (تەڤگەرا نوبوون) ە ل قەزایاندا.
ب- بەرپرسێ ئەنجومەنێ قەزا ئەندامێ ئەنجومەنێ پارێزگەهێیە.
ج- ل هەلبژاردنەکا دیموکراتیدا ژلایێ کۆنفرانسا ناڤخۆ دێ هێتە دەست نیشانکرن.
د- هەیڤێ ئێک جار دێ کوم دبیت و ڤەکولینێ لسەر راپۆرتا ئەنجومەنێ ناحیان کەت.
ح- راپۆرتا هەیڤانە بو ئەنجومەنێ پارێزگەهێ بلندکەت
خ- ئەنجومەنێ قەزایێ ڤان بەشێن تایبەت بخوڤە د گریت و لدیف شیان و زیرەکی لسەر ئەنداما دهێنە پارڤەکرن. بەشێن وێ ژی پێکدهێن ژ : رێکخستن و کارگێری و دارایی و راگەهاندن و پەیوەندی
چ - ل دەمێ ئامادەنەبوونا بەرپرسی ب هەر ئەگەرەکێ بیت، بەرپرسێ بەشێ رێکخستنێ دێ جهێ وی گریت.
چوارەم : ئەنجومەنێ پارێزگەهێ ل بەرپرسەکی و حەفت ئەندامان پێک دهێت. ئەرک و دەستەلات
ٲ - بلندترین ئۆرگانێ (تەڤگەرا نوبوون) ەل پارێزگەهاندا
ب - بەرپرسێ ئەنجومەنێ پارێزگەهێ ئەندامێ ئەنجومەنێ سەرکردایەتیێ یە و راستەوخۆ ژلایێ کونگرەی دێ هێتە هەلبژاردن.
ج - ل هەلبژادنەکا دیموکراتیدا ئەندام ژلایێ کۆنفرانسا ناڤخۆ دێ هێنە هەلبژاردن.
د- هەیڤێ ئێک جار کوم دبیت و ڤەکوڵینێ لسەر ڕاپورتێن ئەنجومەنێ قەزایان دکەت.
ح- راپورتا هەیڤانە بۆ ئەنجومەنێ سەرکردایەتیێ بلندبکەت
خ- ئەنجومەنێ پارێزگەها ڤان بەشان بخوفە دگریت و لدیف شیان و زیرەکیێ و لسەر ئەندامان دهێنە پارفەکرن. بەشێن وێ ژی ئەڤەنە : رێکخستن و کارگێری و دارایی و پەیوەندی و راگەهاندن
چ- ل دەمێ ئامادەنەبوونا بەرپرسی ب هەر ئەگەرەکێ بیت، بەرپرسێ بەشێ رێکخستنێ دێ جهێ وی گریت
پێنج : ئەنجومەنێ سەرکردایەتی
ئەنجومەنێ سەرکردایەتی ل سکرتێرو (8 - 12) ئەندامان پێک دهێت. ئەرک و دەستەلاتێن وێ
ٲ- سەرپەرشتیکرن و ئاراستەکرنا هەمی ئۆرگانێن تەڤگەرا نوبوونا کوردستانێ BNK دکەت.
ب- راستەوخۆ ژلایێ کۆنگرەی دێ هێتە هەلبژاردن
ج- لدیف پسپۆری و شارەزاییا ئەندامان بەشێن رێکخستن و پەیوەندی و کارگێری و دارایی و راگەهاندن دێ هێتە دەست نیشانکرن و هەر ئەندامەک بەرپرسە ل جێبەجێکرنا کارو و بەرپرسیارەتیا خۆ لسەر ئاستێ گشتی.
د- دوو هەیفا جارەکێ کوم دبیت.
ح- ئەنجومەنێ سەرکردایەتیێ بەرپرسیارە ل ئامادەکرنا ڕاپۆرتا ساڵانەیا کارو خەباتا(تەڤگەرا نوبوون) و ئامادەکرنا کونگرەی ل ئستوویێ وانا دایە
خ- ئەنجومەنێ سەرکردایەتیێ دکارن کونگرەی بۆ دەمێ شەش هەیڤان پێش یان پاش بێخیت.
چ- ئەنجومەنێ سەرکردایەتیێ دکاریت هەڤپەیمانیێ دگەل هەر لایەنەکێ دی یێ سیاسی دا بکەت.
شەش : سکرتێرێ گشتیی
سکرتێرێ گشتیی راستەوخۆ ژلایێ کونگرێ دهێتە هەلبژاردن. ئەرک و دەستەلاتێن وێ
ٲ- سەرپەرشتیا کۆمبونێن ئەنجومەنێ سەرکردایەتیێ و هەمی ئورگانێن (تەڤگەرا نوبوون) دکەت.
ب- نڤیسینێن گڕنگ یێن (تەڤگەرا نوبوون) ب رەزامەندیا سکرتێرو و ئیمزایا سکرتێر دبن.
ج- ل دەمێ ئامادەنەبوونا سکرتێر ب هەر ئەگەرەکێ بیت، بەرپرسێ بەشێ ڕێکخستنێ دێ جهێ وی گریت
حەفت : کۆنفڕانس
کۆنفڕانس هەر سێ ساڵان جارەکێ دهێتە ئەنجام دان بۆ دەست نیشانکرنا ئەنجومەنێن گوندان و ناحیان و قەزایان و ئەندامێن ئەنجومەنێ پارێزگەها و ئەندامێن ناڤ رێکخستنێدا ئەوێن بۆ گۆنگرێ دهنێنە دەست نیشانکرن.
هەشت : کۆنگر
(کۆنگرە) دەستەلاتێن وێ
ٲ- بلندترین دەستەڵاتا (تەڤگەرا نوبوون) سێ ساڵا جارەکێ دهێتە گرێ دان.
ب- دەست نیشانکرنا سکرتێرێ گشتیی و ئەنجومەنێ سەرکردایەتیێ و بەرپرسێ ئەنجومەنێن پارێزگەهان ل ئستوویێ کونگردایە.
ج- ئەندامێن کۆنگر پێک دهێن ژ ئەنجومەنێ سەرکردایەتی و ئەنجومەنێن گوندان و ناحیان و قەزایان و پارێزگەهان و ئەو ئەندامێن دناڤا رێکخستنێدا دهێنە دەست نیشانکرن.
ح- بریارێن کۆنگر ب نیڤ + ئێک دهێنە پەسەنکرن.
خ- کۆنگرێ مافێ ئێکگرتنا دگەڵ هەر لایەنەکێ دی یێ سیاسی یێ هەی.
چ- کۆنگرێ مافێ ژناڤبرنا تەڤگەرا نوبوون یێ هەی.
ن- کۆنگرێ مافێ گۆڕینا پەیرەو پڕوگرامێ تەڤگەرا نوبوونا کوردستانێ یێ هەی.
د- ل دەمێ هەر ریدانەکا نەچاڤەڕێکری کۆنگرە دێ هێتە گرێ دان.
ماددێ یازدێ : ئەرکێن بەشان
ئێکەم : بەشێ رێکخستنێ
بەرپرسیارە ل رێڤەبرن وئاراستەکرنا بەشێن رێکخستن و پەروەردەکرنا ئەندامان و لێکولینەڤێ و دیڤچوونێ.
دوو : بەشێ پەیوەندیان
بەشێ پەیوەندیا بەرپرسیارە ل پێش خستنا پەیوەندیان دگەل هاونشتیمانیان و لایەنێن سیاسی و دام دەزگەهێن حکومی و رێکخراوێن مەدەنی.....
سیێ : بەشێ راگەهاندنێ
بەرپرسیارە ل ڕاگەهاندنا کارو چاڵاکیێن تەڤگەرا نوبوونا کوردستانێ بۆ رایا گشتی و لێدوان لسەر ئەگەرو پێشهاتێن سیاسیا ناڤخو و دەرڤە ددەت.
چوار : بەشێ کارگێری و دارایی
بەشێ کارگێری و دارایی ئەرکێ کومکرنا ئابوونێن ئەندامان و هاریکاریێن جەماوەری و داهاتێ هەڤبەش و لدیڤ شیانان ل بوارێن جوارو جوردا خەرج دکەت و هەیڤانە ب راپۆرت ئۆرگانێن خۆ لێ ئاگادار دکەتەڤە.
ماددێ دوازدێ : دارایی
داراییا تەڤگەرا نوبوونا کوردستانێ BNK بریتیە ل
ٲ - ئابوونێن ئەندامان و دوستان و لایەنگرێن تەڤگەرا نوبوونا کوردستانێ BNK.
ب - پڕۆژێن بەرهەم هێنەرێن تەڤگەرا نوبوونا کوردستانێ BNK.
بەشێ دوویێ : بەرنامێ تەڤگەرا نوبوونا کوردستانێ
بەرنامێ تەڤگەرا نوبوونا کوردستانێ BNK ئێکەم : ئارمانجێن گشتی
1 - تەڤگەرا نوبوونا کوردستانێ BNK ژبۆ پێش ئێخستنا بوارێ پەروەردێ و نەهێلانا نەخوێندەواریێ کاردکەت.
2 - تەڤگەرا نوبوونا کوردستانێ BNK ژبۆ پێش ئێخستنا خویندنا باڵا کاردکەت
3 - تەڤگەرا نوبوونا کوردستانێ BNK گرنگیەکا زۆر ل بوارێ ئابووری و بەرهەمێ ناڤخۆ ددەت.
4 - تەڤگەرا نوبوونا کوردستانێ BNK کشتۆکالی ئێک ل گرنگترین کەرتێ ئابووریێ دزانیت لەوما ژبۆ پێش خستنا کەرتێ کشتوکالی کاردکەت.
5 - تەڤگەرا نوبوونا کوردستانێ BNK ژبۆ پێش خستنا کەرتێ پیشەسازیێ کاردکەت.
6 - تەڤگەرا نوبوونا کوردستانێ BNK ژبۆ پێش خستنا سامانێ ئاژەلی کاردکەت.
7 - تەڤگەرا نوبوونا کوردستانێ BNK ژبۆ پێش خستنا کەرتێ گەشت و گوزارێ کاردکەت.
8 - تەڤگەرا نوبوونا کوردستانێ BNK ژبۆ دابین کرنا ژیانەکا خۆش و ئاسوودە بۆ هاونشتیمانیان کاردکەت.
9 - تەڤگەرا نوبوونا کوردستانێ BNK ژبۆ نەهێلانا چینێ کۆمەڵایەتیێ کاردکەت.
10 - تەڤگەرا نوبوونا کوردستانێ BNK بایەخێ ددەتە کەلەپوورو رەوشەنبیریێ و مێژوویا کوردی و جوگرافیا کوردستانێ.
11 - تەڤگەرا نوبوونا کوردستانێ BNK ژبۆ خەملاندنا زمانێ ستاندارێ ئێگرتیێ کوردی ل هەمی زاراڤاندا و کرنا زمانەکێ سەرەکیێ خوێندنێ کار دکەت.
12 - تەڤگەرا نوبوونا کوردستانێ BNK بایەخێ ددەتە گەنجان و ئەم دزانین لسەر دەستێ جوانان وڵات و نەتەوە پێش دکەڤن ژبەرهندێ تەڤگەرا وبوونا کوردستانێ ژبۆ بدەستڤەئینانا مافێن لاوان کاردکەت.
13 - تەڤگەرا نوبوونا کوردستانێ BNK ژبۆ پێش خستنا بوارێ وەرزشی و هۆنەری کاردکەت.
14 - تەڤگەرا نوبوونا کوردستانێ BNK ژبۆ پاراستنا ژینگەها کوردستانێ کاردکەت.
15 - تەڤگەرا نوبوونا کوردستانێ BNK ژبۆ پێش خستنا کەرتێ تەندرۆستیێ کاردکەت.
دووەم : ئامانجێن رامیاری (سیاسی)
1 - تەڤگەرا نوبوونا کوردستانێ BNK ژبۆ سەرخوەبوونا کوردستانێ کاردکەت.
2 - تەڤگەرا نوبوونا کوردستانێ BNK ژبۆ چەسپاندنا دەستورەکێ نشتیمانی کاردکەت.
3 - تەڤگەرا نوبوونا کوردستانێ BNK ژبۆ چەسپاندنا سیستەمێ سەروکایەتی - پەرلەمانی کاردکەت.
4 - تەڤگەرا نوبوونا کوردستانێ BNK ژبۆ پاراستنا مافێ هەمی نەتەوەو ئاین و ئاین زاکان.... کاردکەت. 5 - تەڤگەرا نوبوونا کوردستانێ BNK ژبۆ ئێک پارچەییا خاکا کوردستانێ کاردکەت و پەیمانا لوزان و سایکس بیکۆ ڕەت دکەت.
6 - تەڤگەرا نوبوونا کوردستانێ BNK باوەریا تەواو ب مافێ چارەیێ خونڤیسینا مللەتان هەیە.
7 - تەڤگەرا نوبوونا کوردستانێ BNK باوەریا ب جارنامەیا مافێ مرۆڤ و تێکڕایا بەڵگە و پەیماننامەیێن نێودەوڵەتی هەیە.
8 - تەڤگەرا نوبوونا کوردستانێ BNK پابەندە ب پرەنسیپێن سەروەریا یاسایێ و یەکسانیێ و دادپەروەریێ... بێی جوداهی.
9 - تەڤگەرا نوبوونا کوردستانێ BNK باوەریا ب جوداکرنا هەر سێ دەستەڵاتان ل ئێکدی هەیە.
10 - تەڤگەرا نوبوونا کوردستانێ BNK دژی تیڕۆرو تیرۆرستان رادوەستیت.
11 - تەڤگەرا نوبوونا کوردستانێ BNK ژبۆ پاراستنا مافێ هاونشتیمانیان ل دەرڤەی کوردستانێ خەباتێ دکەت.
12 - تەڤگەرا نوبوونا کوردستانێ BNK رێزێ ل سەربەخۆیا ئەنجومەنێ دادوەری دگریت.
13 - تەڤگەرا نوبوونا کوردستانێ BNK پشتگیریا داواکارێ گشتی دکەت وەکی دەزگەهەکێ سەربەخۆیا تەواو هەیە.
14 - تەڤگەرا نوبوونا کوردستانێ BNK ژبۆ بهێزکرنا سیستەمێ بەرگریێ و پێکئینانا سۆپایەکێ نشتیمانی کاردکەت.
15 - تەڤگەرا نوبوونا کوردستانێ BNK باوەریا ب فرە حزبیێ هەیە و جەخت ل تەباهیێ و ئێکگرتنێ و ئێکرێزیێ و ئێکەتیا گەلێ کوردستانێ دکەت.
16 - تەڤگەرا نوبوونا کوردستانێ BNK ژبۆ زیندی هێلانا کارەساتێن جەرگبر و بوونێن تایبەتێن گەلێ کوردستانێ کاردکەت.
17 - تەڤگەرا نوبوونا کوردستانێ BNK ژبۆ سەقامگیریا ئاسایشا کوردستانێ کاردکەت.
18 - تەڤگەرا نوبوونا کوردستانێ BNK ژبۆ بەرقەرار بوونا ئاشتیێ کاردکەت.