نازانم چۆن خۆشم ویستی.!
تا ئەوپەڕی خۆشەویستی
خولیای عەشقت هەموو شەوێ
فرمێسکی تازەی لێم ئەوێ،
تۆ هەوێنی شعری تازەی
شەوانی پڕ ئەندێشەمی ؛
تۆ برینی بە ئازاری
رۆژانی پڕ لە کێشەمی.
لەهەر کوێ بم خۆشم ئەوێی،
لە هەر کوێ بی بیرت ئەکەم،
ئه و جێگایەی تۆی لێ نەبێ
بۆنی غەریبی لێ ئەکەم.
کە هەست بە دووری تۆ ئەکەم
باڵدارێکم بە بێ لانە،
کە من هەرگیز بە تۆ نەگەم
ئیتر بۆ نەبمە دێوانە !؟
(فەرەیدون عەبدول بەرزنجی)
هەولێر ئایاری 1984
دون هذا السجل بلغة (کوردیی ناوەڕاست - Central Kurdish)، انقر علی ايقونة
![](https://www.kurdipedia.org/images/flags/ku.png)
لفتح السجل باللغة المدونة!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 716 مرة
اعطي رأيک بهذا المقال!