ناونیشانی بابەت: قاچە بەجێ ماوەکانی هەژار، دروشمێک بۆ بەمەردبونی لێپرسراوان
نوسەر: #ئارەزووی عبدالخالق#[1]
23-10-2021
کوردو میژووی کوردایەتی پڕیەتی لەجەوروجەفاو ڕۆژانی تاریک و شەوانی پڕ لەترس و لەرزو کارەسات، ، ئەم کوردستانەی کەهەموان تیائازادین بە خوینی هەزارانی وەک هەژار هاتۆتە بوون، بائیدی و بۆهەتا وازلەیەکدی شکاندن و توانج و پلار بهینین، بائیدی و بۆ لەمەودوا کوردو تاکی کوردی و لێپرسراوان بەمەردبونی خۆیان ڕابگەیەنن و ئیدی کوردو کوردستان پارچە پارچە نەفرۆشن لەپێناو گیرفان و سامان و تاڵانی بائیدی و بۆ هەتا، هەموان لە قاچەکانی هەژارە فێربن، کەهیچ هەژارێک لەوڵات نەهیڵن، هیچ داهات و سامانێک بەهەدەر نەدەین، لێپرسراوەکان با قاچەکانی هەژارو هەزاران خوینی شەهیدانی گەل بەهەدەر نەدەن، با بەخۆمانا بچینەوەو لە شوێن گوللەو لە شوێن خیانەت و لەشوێن تاڵانی، تۆوی تەبایی و یەکسانی بچینین، بەهەموومان، با تەرمەکانی ئیجە بکەین بەوانەو لەقوتابخانەی ئاشتی و ئاشتەوانی بیڵێینەوە، با ئیدی خوینی شەهیدان بکەین بەسومبولی ئاشتی و پێکەوە ژیان، بۆئەوەی شەهیدان ئاسودەبن و قاچەکانی هەژار ئارام بن و بۆئەبەد لەگۆڕدا پشووی یەک ڕیزی بدەن.
دون هذا السجل بلغة (کوردیی ناوەڕاست)، انقر علی ايقونة
لفتح السجل باللغة المدونة!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 1,942 مرة