دەقی پەیامەکەی #مەسعود بارزانی#:
ب ناڤێ خودێ یێ مەزن و دلوڤان
ب هەلکەفتا هاتنا جەژنا سەرێ سالا ئولا ئێزیدیان، چوارشەمبیا سور گەرمترین پیرۆزباهیێن خۆ ئاراستەی هەمی خوشک و برایێن ئێزیدی ل کوردستانێ و جیهانێ دکەم و هیڤیا بەختەوەری و کەیفخۆشیێ بۆ وان دخوازم.
خوشک و برایێن ئێزیدی بەشەکێ رەسەنێ گەلێ کوردستانێ نە و دڤێ هەلکەفتێ دا جەختێ دکەم کو دگەل ئێش و ئازارێن وان داینە و ب هەمی شیانان پشتەڤانیا داخوازیێن خوشک و برایێن ئێزیدی دکەم.
هیڤیدارم خوشک و برایێن ئێزیدی ب سەربەستی و ئازادی بزڤرنە ل سەر جھ و وارێ خوە و دووماهی ب ئاوارەیی و ئەو نەهامەتیا کۆ ژلایێ تیرۆرست و نەحەزێن گەلێ مە ب سەر وان دا سەپاندین بھێت و بو ڤێ چەندێ پێدڤیە هەمی لایەک هەڤکار بن کوردێن ئێزدی بخۆ بڕیارێ ل سەر چارەنڤیس و پاشەروژا خۆ بدەن و برینێن وان ساڕێژبکەن.
کوردستان وەڵاتێ پێکڤەژیانێ یە و پێدڤیە ئەڤ فەرهەنگا دەوڵەمەند بھێتە پاراستن.
هیڤیدارم هەمی جەژن و هەلکەفتێن هەوە ب شادی و ئارامی دەرباز ببن و بمینن ب خێر و خۆشی.
مسعود بارزانی
19ی نیسانا 2022[1]
⚠️ تێبینی: ئەم بابەتە بە رێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!