چاکی کۆرکێ
شوێن: نێو گوندی گوڵانێ، لە گەڕەکی کۆرکێ.
ڕەچەڵک: ڕوون نییه سەر بە چ ڕەچەڵەکێکی.
مزارەکە تاقە گۆڕه و هیچ گۆڕستانیک لەو دەوروبەرەیدا نییه.
مەزارەکە بە تەنیست دیواری مالێکەوەیە، کە تاقە ماڵه.[1]
سەبارەت بە وشەی کۆرکێ، لە نێو خەلکی گوندی گوڵانێ دوو ڕا هەیە: یەکێکیان دەڵیت: پێدەچێت ڕۆژگارێک ئەو گەڕەکە، بە هۆی شەر و شۆڕەوە بووبیت، یان بە هۆی نەخۆشی و پەتای گەورەوە، کوێربۆتەوە، (کوێر)یش لە زاراوە و ئاخەوتنی خەلکی سنورەکە دەبیتە (کۆر) و ئیدی ئەو شوێنه، کە دواتر ئاوەدان بۆتەوە و بۆتە گەڕەکێکی گوندەکە، هەر بە گەڕەکی کۆرکێ ناسراوە.
ڕایەکی دی، کە بۆچوونی هاوڕێ سلێمان شاوری خۆیەتی، دەڵێت: ڕەنگە لە کوێرکردنەوەی گۆڕەکەوە هاتبێ، کاتێک گۆڕەکەیان هەڵقەندووە و دواتر پڕیان کردۆتەوە، واتە کوێریان کردۆتەوە، ئیتر لەوێوە پێیگوتراوە کۆرکێ.
لە هەمان کاتدا بە (چاکی کۆلکێ)ش ناو دەهێنریت.