نان و پیازی پێوە دەخۆن
لە وڵاتی کوردەواریدا، لە سەردەمانی زوودا تا دوای حەفتاکان و هەشتاکانی سەدەی بیستەم، خەڵکی زۆر هەژار و کەم دەرامەت بوون، ڕژێمی دەرەبەگایەتی(میرەدێ و بەگزادە و ئاغادێ، شێخەدێ، مەلادێ، کێخوا دێ و سەیدەدێ و...تاد) لە گوندەکاندا پەیڕه و دەکرا و ئه و توێژانە دەسەڵاتداربوون و خاوەنی زەوییە کشتوکاڵییەکان و کارێزەکان و بڕگەکانی بەرهەمهێنان بوون، هەر ئەوانە نوان و سابات و دیوەخانیان هەبوو، بەهۆی سیستەمی ئابوری ژیانەوە هەر ئەوان نان و پیازێکیان هەبوو، ئەوانیتر خەڵکی ڕەمەکی و ڕەشۆکی بوون، ئینجا ئه و مسکێن و ڕەعیەت و خەڵکە ڕەشۆکیەی لە خزمەتی ئه و سیستەمەدا بووایە ئەوا نان و پیازێکی دەست دەکەوت بە مەمرە و مەژی و کولەمەرگی ژیانی بەسەر دەبرد، چینێک لە کۆمەڵگا پەیدابوون و ئه و نا یەکسانی و نادادییەیان پێ قبوڵ نەدەکرا، بۆیە نان و پیاز خۆرەکانی دەرباری ئاغا و شێخ و میرەکان ئه و بیرە نوێیە و نیەت و مەرامەکانیان بۆ ئاغاکانیان دەبردەوە تاوەکو نان و پیازێکی زیاتریان دەست بکەوێت، بە مەراییەوە هەموو ئه و حاڵەتانەیان دەگواستەوە، ئیتر لەمەوە تا ڕۆژانی ئەمڕۆ ئه و ئیدیۆمە جوانە پەیدابووە، بە هەموو ئەوانەی قسە دەگێڕنەوە و دەگوازنەوە بۆ دەسەڵاتداران، بۆ سوود لێ بینین و دەستکەوتێکی مادی کەم، بە تەوسەوە پێیان دەوترێت: نان و پیازی پێوە دەخۆن، هەروەها لە بواری قسە وقسەلۆکی کوردەواریشدا بۆ ئەوەی بابەتێک چارەسەر بێت و نەتێنێتەوە خەڵکی زیاتر پێی نەزانن بە ئامۆژگارییەوە دەوترێت: ئه و بابەتەی زوو چارە بکەن بە خەڵکی نان و پیازی پێوە نەخوات.[1]
دون هذا السجل بلغة (کوردیی ناوەڕاست - Central Kurdish)، انقر علی ايقونة
![](https://www.kurdipedia.org/images/flags/ku.png)
لفتح السجل باللغة المدونة!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 1,231 مرة
اعطي رأيک بهذا المقال!