بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە.
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۊ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$چوون کۆی عەوداڵان$
چوون کۆی عەوداڵان، چوون کۆی عەوداڵان
کۆن؟ کۆیێ دڵگیر، چوون کۆی عەوداڵان؟!
کابەی مەقسوودەن، پەرێ نەوهاڵان
پەی وایەی موراد وەنەش مەلاڵان
کۆی بەرزی بوڵەند، چمان کۆی قافەن
بە بەرزی بەرزەن، بە سافی سافەن
سەر کېشان نە ئەوج چەرخی چەهبەری
بۆش نیان نەبۊی «زوهرە»و «موشتەری»
جای شەو بیداران، سەحەر لاڵانەن
تەکیەگای خاسان، «هەفت ئەوداڵانەن»
هەر هەفت عەوداڵان، قوتبی ڕووی زەمین
چوون «اَصحابُ الکَهف» دایېم غارنشین
مەسکەنشا گرتەن بەو بوڵەند کۆوە
«يا مَن هو» شانەن هەر ڕۊ جە نۆوە
تا دونیا وە پشت ماهیش قەرار بۊ
ڕوتبەشان بوڵەند، هیممەتشان یار بۊ
هانە پای ئەو کۊ ڕەندان، چوون پەری
گشت ئامادەی حوسن شۆخی و دوڵبەری
نەک جە خەم نیشۆ نە دڵشان خارێ
کەردەنشان دەستوور، هەر هەفتێو جارێ
وەختی شاخەی «سوبح»، ئەو گرۆی ڕەندان
کۆی کڵاف نە دۆش موشکین کەمەندان
مەخېزان بە عەزم بارگەی «عەوداڵان»
مەدان جە نەوە، تەرتیبی خاڵان
چوون «ئاهوی خوتەن»، ڕەوێڵەی تەتار
پۆل پۆل نازداران مەبینان قەتار
بە ڕەفت و هەموار، بە ڕېزە ڕېزان
مەشان بەو کۆوە، بە موراد وازان
وەختێ و پا مەنیان وە باڵای کەمەر
نە خاکی پاشان گوڵان مەنیان سەر
ئەشەدبۆی «طفیل» سەر نە ڕاشانەن
«چنوور» ئامێتەی خاک پاشانەن
«ياللَّة» قاپی خەیر تۊ کەری گوشاد
یاوان بە «مەقسوود»، بدەیشان موراد
یا «هەفت عەوداڵان»، کۆی بەرزو بوڵەند
دیدەی بەد، پېشان نەیاونۆ گەزەند
عەوداڵانی بەرز، بەرز بۊ پایەشان
هیممەت یار کەرە، حە ق دۊ وایەشان
دایېم بەی دەستوور خاتر شاد کەران
بەڵکو وەختی سەیر، ئېمەیچ یاد کەران
سەیدی تاسەی سەخت، دووری یارشەن
نە ئارام، نە سەبر، نە قەرارشەن
یا عەوداڵ سەیدی هاوار وە تۆشەن
دیدەش بە دیدار یار، کەری ڕەوشەن
[1]