بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە، شاعیر بەشێوەزاری گۊرانی- هۆرامی نووسی وە:
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۊ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$نۆرۊز گوڵ خېزان$
نۆرۊز گوڵ خېزان، نۆرۊز گوڵ خېزان
وادەی وەهارەن، نۆرۊز گوڵ خېزان
بەدەن کافووران، خاڵ خوردە ڕېزان
پۊشان مایەی عەتر بۊی عەنبەر بېزان
نۆرۊز گوڵ جاسووس گوڵانی تازەن
وەهار کیانان، مزانی وازەن
بافتەن پەی زینەت ڕەندانی دوڵبەر
چوون جوقەی تاوس بپێکان وە سەر
قاسد نۆرۊزان نەپای هەردەوە
یەک یەک بەر ئامان نەتۆی پەردەوە
هېمای خۊ زمسان تەشریف نەبەردەن
نۆرۊز گوڵ موژدەی وەهار ئاوردەن
مزانی بدۆ زومستان وېیەرد
تەختی یەخ بەندش هەوادا بە گەرد
ئەر سەد کە هەوای سەردیش بەرۆ تەن
خورشید مەنزڵگاش نە بورجی حوتەن
بەڵێ، جاڕ چیان نۆرۊز جاڕ مەدان
جاڕی پادشای نەوەهار مەدان
بادی وادەی وەشت جە کۊسار مەیۆ
یاران مزانی، نەوەهار مەیۆ
پادشای وەهار وادەی وەختشەن
بە تەعجیل مەیۆ، ئامای جەختشەن
وەختەن شای وەهار بنیشۆ نە دەور
جاڕ بکېشۆ ڕەعد، تەمەلوول و هۆر
وەختەن بگېرۆ ڕووی دەشتی سارا
کەوکەبەی وەهار وێنەی شای «دارا»
وەختەن بەیۆ بەر ئوردووی گوڵاڵان
گېران دەرو دەشت، چوون هەردەی جاران
وەختەن برۆسان گوڵان هەزار ڕەنگ
چەرمە و زەرد و سوور، چوون دێبای فەرەنگ
وەختەن شای وەهار بکیانۆ خەڵات
سەوزی ئەتڵەس ڕەنگ پەی ڕووی سەر بیسات
وەختەن «شەقایق» سەر باوەرۆ بەر
هۆردۆ ئاڵای سوور جە باڵای کەمەر
وەختەن بوڵبوڵان جە شیرین خاودا
بیدار بان جە موڵک خاسەی «زەهاو»دا
وەختەن ساڕېش بۊ خاترشان جە داخ
کەت بنیان بە عەزم گوڵ گەشتی «لەیلاخ»
فەسڵی نەوەهار وەختی گوڵ گەشتەن
سەر زەمین بە ڕەنگ سارای بەهەشتەن
وەختی شادی و عەیش ئەیامی سەیرەن
پەنەش دڵشادەن، ئەر وەحش، ئەر تەیرەن
ئەر خاترێو ناچاخەن، زویر
وەهار بێ کەیفیش مەبەرۆ جە ویر
چوونکە شای وەهار شادی مەوازۆ
هیچ کەسێ خەمناک، مەلوول، نمازۆ
سەیدی چوون مەلوول هیجرانی یارەن
فێشتەر خەمناکیش فەسڵی وەهارەن
[1]