دەقی ڕاگەیەندراوەکەی کوردستان 24:
دوای ئەوەی ئێوارەی ئەمڕۆ تیمی کوردستان24 لەلایەن ژمارەیەک لە لایەنگرانی پەکەکە لە بەردەم پزیشکی دادی پارێزگای سلێمانی، هێرشی کرایە سەر، بەتوندی ئه و کردەوەیە شەرمەزار دەکەین.
بەداخەوە ئه و پەلامارە، دوور بووە لە هەموو بەها و بنەمایەکی مرۆڤایەتی و دەستدرێژییە بۆ سەر ئازادی کاری میدیایی.
لێرەوە بە هەموو لایەکی ڕادەگەیەنین، دامەزراوەی کوردستان24، هەمیشە پیشەییانە و پرۆفیشناڵانە مامەڵەی لەگەڵ ڕووداوەکاندا کردووە و هیچ کاتێکیش لە گەیاندنی پەیامی پیشەییانە و ڕاستبێژی خۆی ساردنابێتەوە.
بە پێویستی دەزانین، سوپاسی ئه و هێزە ئەمنییانە بکەین، کە لەبەردەم پزیشکی دادی سلێمانی بەهانای تیمەکەمانەوە هاتن، سوپاس و پێزانینمان بۆ ڕۆژنامەنووسانی هاوکار و بەرپرسانی سەنتەر و سەندیکا و ڕێکخراوەکانی داکۆکیکار لە مافی ڕۆژنامەنووسان و ئازادی ڕۆژنامەوانی هەیە، کە بەرامبەر ئه و ڕەفتارە نابەرپرسانەیەی لایەنگرانی پەکەکە، هاتنە دەنگ و سەرکۆنەی ئه و پەلامارەیان کرد.
دامەزراوەی میدیایی کوردستان24
18/5/2022[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!