ناونیشانی پەڕتووک: کورد و ئەفسانەکانی کوشتاری ئەرمەن
ناوی نووسەر: #محەمەد هەریری#
شوێنی چاپ: شاری لەندەن
شێوازی چاپ: ئەلەکترۆنی
ساڵی چاپ: 2022
ژمارەی چاپ: یەکەم
=KTML_Bold=پێشەکی=KTML_End=
بە نسبەت کوشتاری ئەرمەنەوە، لە ڕاستیدا هەموو مرۆڤێک لە ئێمە دەبێت ئیدانەی ئەو کوشتارەی ئەرمەن بکات و نوسەری ئەو دێرانەش بە تووندترین شێوە ئیدانەی دەکات، بەڵام ئیدانە کردنی دەبێت بە شێوەیەکی هاوسەنگ و زانستیانە و واقیعیانە بکرێت، نەک بە ڕووحیەتی تاوانبارێکی پەشیمان بوەوە، بە هۆکاری گرێی هەستکردن بە تاوانێک خۆشت تیایدا سەدان تاوانت بەرامبەردا کراوە، لە یەک کاتدا وەک ئەوان تاوانبار و تاوانلێکراو بوویت. ئەرمەنەکان دەیانەوێت بۆ خەڵک کەیسەکەیان وا وێنا بکەن، کە خەڵکێکی هەژار و بێوەی بوون، لەبەرئەوەی مەسێحی بوون، موسڵمانانی دەمارگرژی تورک و کورد فەتوا و بڕیاری قڕکردنیان دەرکردن، توانیتیان خەڵکێکی زۆر بەو ئەفسانەیە بهێننە باوەڕ، و هەتا ڕۆشنبیرە کوردە ڕۆژنامەوانیەکانیش باوەڕیان کردوە بەو ئەفسانەیە لەبەر چاولێکەری و بێ ئاگایی و تەنکی ئاستی فەرهەنگیان.
دەیەها ساڵە ڕۆشنبیری کورد بەو پەڕی نەزانیەوە مێژوی خۆی هەڕاج دەکات وپۆزش بۆ دوژمنانی دەهێنێتەوە، بێ ئەوەی لە وردەکاری مێژوو وئەو سەردەمە گەیشتبێت.
بە داخەوە بەشێکی زۆری ڕۆشنبیری کورد وادەزانن، خۆ نیشاندان وەک کەسانێکی پێشکەوتوخواز و سێکیولار، بە نەفرەت کردنەوە دێت لە هەموو کلتور و مێژووی با وباپیرانمان، دەیانەوێت بە چاویلکەی ئەمڕۆی سەدەی بیست ویەک مێژووی سەدان ساڵی کورد بخوێننەوە! هەر بۆیەش دەیانبینیت لاوازترین وبێ ئەرزشترین خەڵکن لەناو کۆڕی ڕۆشنبیرانی گەلانی جیهان.[1]