دەقی پەیامەکە:
بەڕێزو خۆشەویست کاک کۆسرەت ڕەسوڵ، تێکۆشەرەکەی شاخ و شار، بەگەرمی بەخێرهاتنەوەت دەکەم بۆ خاکی نیشتیمان کە بەداخەوە ماوەیەک بوو بەهۆی باری تەندروستیتەوە جێتهێشتبووین.
بەدرێژایی هەموو ئەو ماوەیە دڵمان لات بوو، چونکە ڕابوردووت دیارە کە پێویستییەکی یەکجار پێویستیت بۆ ڕێبازەکەی مامی هەموان و یەکێتیەکەی شەهیدان و کوردستانەکەی نیشتمان.
خۆشحاڵم کە بە تەندروستیەکی باشەوە هاتیتەوە ناومان و دڵ و چاومانت ڕۆشن کردەوە، هیوادارم دوور بیت لە هەموو ناخۆشییەک و بەتەندروستییەکی باشترەوە بێیتەوە کۆڕی خەبات بەتایبەت کە لە نوێبوونەوەی ئێستا و داهاتووی یەکێتیدا هەڤاڵەکانت پێویستیان بە ڕێنمایی و ڕاوێژ و بڕیارە گرنگەکانتە.
دووبارە بە ئومێدی تەندروستی و سەلامەتیت.
گەلاوێژ [1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!