لە زستان بە ئەرکترە
وتراویشە: زستان پینە وپەڕۆ، بەهار بە شۆخی بڕۆ یان زستان هات بەرگی فەقیری دڕا، زستان لە کوردستاندا سێ مانگە بەناوەکانی(بەفرانبار و ڕێبەندان و ڕەشەمێ) کە هەر سێ مانگی تەڕوتووشە و سارد وسۆڵەیە، پێویستی بە زەخیرەیەکی باش لە دارودوو و سوتەمەنی و دانەوێڵە و ئارد و کەندو و هیزە و دیزە و هەمبانەی پڕە، خانووبەرەیەکی ڕێک وپێک لە بەفر وباران و شەختە و بەستەڵەک خۆت و خاوخێزانت بپارێزێت، هەموو ئەوانەش ئەرک و ماندوبوونی دەوێت و هەموو کەسێک پێی دابین ناکرێت، ئینجا ئەگەر کەسێک ناز و نوز و داواکاری زۆر بێت، بە گاڵتەوە پێی دەوترێت: لە زستان به ئەرکتره.[1]
دون هذا السجل بلغة (کوردیی ناوەڕاست)، انقر علی ايقونة
لفتح السجل باللغة المدونة!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 919 مرة