بابەت: وتار
نووسین: #سەیدکەمال ئیبراهیمی#
بە بۆنەی هاتنی 10ی خاکەلێوە ڕۆژی شەهیدانی کوردستان:
لەپاش شەڕی یەکەمی جیهانی، هەموو شۆڕش و جوڵانەوەکان له بەشەکانی کوردستان دابەشکراو سەرکووت کران، نەتەوەی کورد له ساڵانی شەڕی دووهەم بە شێوەیەکی نوێ خەریکی خۆ ڕێکخستن بوون بۆ ڕزگاری، له لوبنان لە پاش ساڵی 1927ی زایینی خۆیبون کاری له بیر و هزری کوردی پارچەکانی دیکەی کوردستان کردبوو.
لە ساڵانی شەڕی دووهەم و لاواز بوونی دەسەڵاتی داگیرکەرانی کوردستان، هەلومەرجێک هاتە ئاراوە کە بە بەشداری کۆمەڵێک نیشتمانپەروەری خەڵکی #مەهاباد# ڕێکخراوێک ساز کرا به ناوی #ژێکاف#،
#پێشەوا قازی محەمەد# کەسایەتی دیاری شاری مەهاباد و ناوچەکە لەم ڕێکخراوە بوو بە ئەندام،
بە هۆی هاتنی کوردی بەشەکانی بن دەستی سۆفیەت و تورکیا و سوریا و عێڕاق بۆ مەهاباد، بیرۆکەی ساز کردنی کۆمارێک هاتە ئاراوە،
بە هۆی ناوبانگی باشی قازی محەمەد و بەشداری بنەماڵەی قازییەکان لە شەر دژی داگیرکەران له ساڵانی پێش شەڕی یەکەم و سەردەمی شەڕی یەکەم، قازی محەمەد بە سەرۆک کۆماری ئەم کۆماره هەڵبژێردرا.
ئەگەرچی ئەم کۆماره تەمەنی کەم بوو و له لایەن داگیرکەران و دابەشکەرانی کوردستان، بە ئاگر و ئاسن سەرکوت کرا،
قازی محەمەد و حەمەحوسێن خانی #سەیفی قازی# و میرزا قاسمی #سەدری قازی# له شاری مەهاباد له سێداره دران، زۆر کەس کوژران و زۆر کەس زیندانی و ئاواره کران،
دوژمنانی کورد پێیان وا بوو کۆتاییان بە بیری سەربەخۆخوازی کورد هێناوە،
بەڵام لە ناو بەڵگە و دیکۆمێنتەکانی پەیوەندی دار بە کۆمار بەڵگەیەک جێگای سرنج و تێڕامانە:
وێنەیەکی قازی محەمەد لەگەڵ نەخشەی کوردستان
ئەگەر چی ئەم نەخشە بە ئینگلیزی نوسراوە و نەخشەی کوردستان له سەر ئاستی خۆی بچوکتر پیشان دراوە، بەڵام گرینگی ئەوەیه ناوی وڵاتانی داگیرکەری کوردستان له دەرەوەی نەخشەی ڕاستی کوردستان نوسراوە، ئەم نەخشە ئاستی گەورە و بەرفراوانی کوردستان پیشان دەدات،
دانانی ئەم نەخشە ئەوەمان بۆ ڕوون دەکاتەوە قازی محەمەد بڕوای بە کوردستانی گەوره و سەربەخۆیی کوردستان بووە، ئەگەرچی سەرکەوتوو نەبوو خەڵک و خاکی کوردستان بە گشتی ڕزگار بکات.
ئەگەرچی دوژمنان پێیان وا بوو قازی محەممەد لە سێدارە دراو و کۆمار ڕوخاوە، بەڵام ئەم نەخشە لەگەڵ وێنەی پێشەوا، کۆماری کوردستانی زیندووە ڕاگرتووە.
[1]