ل ڕۆژا ئێکشەمبی ڕێکەفتی (2022/3/13) ب هەلکەفتا ڕۆژا سەرهلدانا باژێرێ زاخۆ، ب سەرپەرشتیا سەرپەرشتێ ئیدارا سەربەخۆیا زاخۆ (گوهدار شێخو) فوتۆگرافەر (محمد ماجد) ئێک ژ فوتۆگرافەرێن خودان شیانێ باژێرێ زاخۆ ئێکەم پێشانگەها وێنێن خۆ یێن تایبە ب باژێرێ زاخۆ ڤەکر.
ئەڤ وێنەیێن د ئەڤی پێشانگەهێدا هاتینە نیشاندان تایبەت بوون ب باژێرێ زاخۆ، فوتۆگرافەری هەر ژ دەستپێکا کارێ خۆ هەتا نوکە هەژمارەکا زۆرا وێنێن جوانێن باژێری گرتینە و ڤیایە وێنێ جوانێ دەڤەرێ نیشا کوردستانێ و جیهانێ بدەت.
د لێدوانەکێدا بۆ مالپەرێ خەدەنگ (محمد ماجد) خۆشحالیا خۆ دا دیار کرن ب ڤەکرنا ئەڤێ پێشانگەهێ و سوپاسیا سەرپەرشتێ ئیدارا سەربەخۆ بەرێز (گوهدار شێخو) کر بۆ پشتەڤانیا وی یا بەردەوام ل کارێ وی، هەروەسا گەلەک دلخۆش بوو ب ئامادەبوونا جەماوەرەکێ زۆر بۆ بەرێخودانا وێنەیێن پێشانگەهێ و هیڤی خواست ئەڤ جورە چاڵاکیە د بەردەوام بن بۆ پێشڤەبرنا کارێ وان، هەروەسا دا دیارکرن کۆ ئەو دێ بەردەوام بیت ل سەر ئەڤی کاری و دگەل کارێن باشتر و جوانتر ژ هەژی باژێری زاخۆ.[1]