پرۆژەی ئەتۆمیزەکردن (لەتلەت کردن) میللەتی کورد، کار بۆ لاواز کردن و لە ناوبردنی شووناسی کوردستانی بوون و هەستی یەکگرتویی گەلی کورد دەکا تا ئاسانتر ئیرادەی ڕزگاری و گەیشتن بە ئازادی و سەربەستی تێکبشکێنێ. بۆ گەیشتن بۆ ئەو مەبەستەش شووناسی عەلەوی بوون، زازا بوون، ئێزیدی بوون، هەورامی بوون، یارسان بوون و لەکی بوون زەق دەکەنەوە.
بەداخەوە هەندێک ڕێکخستنی کوردیش کەوتوونەتە داوی ئەو پڕۆژە داگیرکاریەوە.
داگیرکەران دەیانەوێت:
_کورد پەرتەوازە بێ
_ کورد جیاوازییەکانی بکاتە هۆکار بۆ دژایەتی کردنی یەکتر
_ تاکی کورد، کوردستان بە وڵاتی خۆی نەزانێ و خەریکی ناوچەگەرایی بێت
_کورد دژی ئایین و باوەڕە مێژینەکانی خۆی بێت.
دوو کورد هیچکات نەبن بە سێ کورد و لێک دوور بن
ئەم پڕۆژەیه لە ڕۆژهەڵات، دوای بومەلەرزەی سەرپێڵ لە پارێزگای #کرماشان# و نیشاندانی یەکگرتوویی بێ وێنەی خەڵکی ڕۆژهەڵات بە خێرایی زیاتر بەڕێوە دەچێ بۆیە دەبێ کۆمەڵگای ڕۆژهەڵات یەکگرتوویی خۆی بپارێزێ و بەهێزتریکا و ئەم پڕۆژە مێگاکۆڵۆنیالیستیە لە گۆڕ بنێ. [1]