دەقی پرسەنامەکەی بارەگای بارزانی:
بەناوی خودای بەخشندە و میهرەبان
بەڕێزان لەخانەوادەی نووسەر و شاعیر نەوزاد ڕەفعەت
بەداخێکی زۆرەوە هەواڵی کۆچی دوایی نووسەر و شاعیری دیار کاک(نەوزاد ڕەفعەت)مان پێگەیشت.
کاک نەوزاد ڕەفعەت نووسەر و شاعیرێکی دیار و کاریگەر بوو لە نێو کایەی ئەدەبی کوردیدا، هەروەها لە خەباتی پێشمەرگایەتیشدا لە ڕادیۆی دەنگی کوردستان یەکێک بوو لە وەرگێڕ و نووسەرەکانی ئەو ڕادیۆیە.
بەم بۆنە خەمناکەوە، سەرەخۆشیی ئاڕاستەی خانەوادە بەڕێزەکەتان و خزم و ئاشنایان و دۆستانی خوالێخۆشبوو و ڕۆشنبیر و شاعیرانی کوردستان دەکەین، خۆمان بەهاوبەشی خەمی هەموو لایەک دەزانین.
لە خودای مەزن داوکارین دڵنەوایی و ئارامی بە خانەوادە بەڕێزەکەتان و کەسوکارتان ببەخشێت و گیانی خوالێخۆشبوو کاک نەوزاد ڕەفعەت بەر دلۆڤانی خۆی بخات و بە بەهەشتی بەرینی شاد بکات.
إنا لله وإنا اليه ڕاجعون
بارەگای بارزانی
5ی تەمموزی 2022[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!