#خوری#، #حوری#، #هوری# لە گەلە سەرەکی و ڕەسەنەکانی نیشتەجێی خاکی کوردستانە و بە باپیرەگەورەی کورد دادەنرێت. لە سەرەتاوە دەسەڵاتداریی خورییەکان لە ناوەندی کوردستانی گەورە بووە و دواتر بەهۆی فراوانبوونی دەسەڵاتدارییانەوە بەرەو ناوچەکانی تر، بەتایبەت ناوچەکانی باکووری کوردستان ڕۆیشتوون.
سنووری دەسەڵاتداریی خورییەکان پێک هاتبوو لە شاری #نوزی# (کەرکووک)، #ئەربیلیوم# (هەولێر)، #نەینەوا# (مووسڵ)، #شمشارە# (نزیک لە ڕانیەی ئێستا)، ئورکیش کە وەک پایتەختیشیان ناسراوە (ناوچەیەکی شوێنەواریی نزیک بە #قامیشلۆ#) و #باستکێ# (ناوچەیەکی شوێنەواری لە #دهۆک#).
ئایین لە سەردەمی خورییەکاندا گرنگییەکی تایبەتی هەبووە و لە خواوەندە گرنگەکانی ئەو سەردەمە دەتوانین ئاماژە بە خواوەند ''شاوشکا'' بکەین. هەروەها خورییەکان شوێنێکی تایبەتیان دروست کردووە بۆ ڕاگرتن و پاراستن و پەرستنی خواوەندەکانین کە ''پانتیۆن''ی پێ دەگوترێت.
ئامادەکردنی: #سارا سەردار#
[1]