رۆژنامەکا تورکیا دیار دکەت کو سەرۆکێ ھەرێما کوردستانێ مەسعود بارزانی ژ ئالیێ بەرپرسێن ئەمریکا ڤە گەلەک ب گەرمی ھاتە پێشوازی کرن و سەرەدەریا وەک سەرۆکێ دەولەتەکی ل گەل دا ھاتە کرن، ھەر چەندە ئەمریکا دبێژیت ئەو ل گەل ئیکەتیا عیراقا فیدرال و یەکگرتیە لێ وەسا خویا دکەت پەیاما دەولەتبوونێ دانە مەسعود بارزانی سەرۆکێ ھەرێما کوردستانا عیراقێ، ژ بەر کو بارزانی پشتی ھەڤدیتنان جارەکا دی داخوازا ڕیفراندومێ و مافێ دەولەتبوونا کوردان کر و گەلەک ئاشکرا ژی خویا دکەت کو ژ ئالیێ ئەمریکا ڤە ھەرێما کوردان وەک ھەڤپەیمانێ ستراتیژی دھێتە دیتن و ئەوە ژی دێ کاریگەریا خوە ل پاشەرۆژا عیراقێ و ڕۆژھەلاتا ناڤین کەت.
رۆژناما حوریەت یا تورکیا د ڕاپۆرتەکێ دا ب گرنگی بەحسێ سەرەدانا سەرۆکێ ھەرێما کوردستانێ بۆ ئەمریکا دکەت و دیار دکەت کو سەرۆکێ ھەرێما کوردستانێ مەسعود بارزانی ژ ئالیێ بەرپرسێن ئەمریکا ڤە گەلەک ب گەرمی ھاتە پێشوازی کرن و سەرەدەریا وەک سەرۆکێ دەولەتەکی ل گەل دا ھاتە کرن، ھەر چەندە ئەمریکا دبێژیت ئەو ل گەل ئیکەتیا عیراقا فیدرال و یەکگرتیە لێ وەسا خویا دکەت پەیاما دەولەتبوونێ دانە مەسعود بارزانی سەرۆکێ ھەرێما کوردستانا عیراقێ، ژ بەر کو بارزانی پشتی ھەڤدیتنان جارەکا دی داخوازا ڕیفراندومێ و مافێ دەولەتبوونا کوردان کر و گەلەک ئاشکرا ژی خویا دکەت کو ژ ئالیێ ئەمریکا ڤە ھەرێما کوردان وەک ھەڤپەیمانێ ستراتیژی دھێتە دیتن و ئەوە ژی دێ کاریگەریا خوە ل پاشەرۆژا عیراقێ و ڕۆژھەلاتا ناڤین کەت.
د بەردەوامیا ڕاپۆرتێ دا ھاتیە دیار کرن کو ڕەنگە نھا دەما ڕاگەھاندنا دەولەتا کوردی ژ ئالیێ ئەمریکا و کوردان ڤە نەھاتیە دیار کرن لێ وەسا خویا دکەت کو ئەمریکا ژی ئێدی ڕازیە کو د دەمەکی گونجای دا دەولەتا کوردان ل عیراقێ بھێتە ڕاگەھاندن، ژ خوە ھەم ئۆباما و ھەم ژی جێگرێ سەرۆکێ ئەمریکا ب گرنگی ڤە بەحسێ سیاسەتا بارزانی و ڕۆلێ پێشمەرگە د ڕاوەستاندنا داعشێ دا کرن و سۆپاسیا پێشمەرگە و حوکمەتا کوردان کرن کو ئەوە ژی ئاشکرا دکەت ئەمریکا ئێدی کوردان وەک ھەڤالێ خوە یێ سەرەکی دبینیت ل ڕۆژھەلاتا ناڤین دا و ئاخاڤتنێن بارزانی ل گەل ئۆباما و بەرپرسێن ئەمریکا گەلەک ب شارەزایی و ئاقلانە بوون و جارەکا دی دوپات کر ئەو نھا مژولن ب شەرێ ل دژی داعشێ و پشتی نەمانا داعشێ دێ خەباتا ڕیفراندومێ و پێنگاڤێن بۆ دەولەتبوونێ ب لەزتر ھێنە ئاڤێتن و ئەو یەک ژ ئالیێ ئەمریکا ژی ب گەرمی ھاتە پێشوازیکرن.
د بەردەوامیا ڕاپۆرتا ڕۆژناما حوریەت یا تورکیا ھاتیە کو ب ڕاستی ژی نھا ھێزا کو گوھۆرینان دروست دکەت یا کوردایە و ئەو یەک ھەم ل گەل ئەمریکا و ھەم ژی ل گەل ئێکەتیا ئوروپا ڕێزەکا مەزن بۆ کوردان دروست کریە و بێگومان دێ ئەنجامێن ڤێ یەکێ ژی ھەبن و وەسا دیارە کو د دەمەکێ نە زێدە دوور دا کورد دێ سوپرزەکا مەزن کەن.
رۆژناما حوریەت یا تورکیا د دووماھیا ڕاپۆرتا خوە دا ئەو یەک ژی دیار کریە کو سیاسەتا ھێزێن ھەڤپەیمان و بەرژەوەندیێن ئەمریکا ل ڕۆژھەلاتا ناڤین وەک جاران نەماینە و ھاتینە گوھۆرین ئەو گوھۆرین ژی ھەری زێدە د بەرژەوەندا کوردان دایە و د قۆناغا نھا و پاشەرۆژێ دا یێن کو دێ تووشی زیانەکا مەزن بن تورکیا، ئیران و وەلاتێن عەرەبی نە و یێ سەرکەڤتی و قەزەنجکری ژی کورد و ھەڤپەیمانێن ئەمریکا نە، چونکو ئەمریکا و ئوروپا وێ ڕاستیێ ژبیر ناکەن کا کوردان د شەرێ ل دژی ڕێکخراوا تیرۆرستی دا چەند قوربانی داینە و ئەو باش دزانن کو ھەکە پشتەڤانیێ ل کوردان بکەن دێ کورد ببنە ھەڤپەیمانێن وان یێ ستراتیژی ل دەڤەرێ و د ڕەوشا نھا دا وان پێدڤی ب ھەڤپەیمانەک ستراتیژی وەک کوردان ھەیە و کورد ژی وێ ڕاستیێ باش دبینن و ل گۆر وێ یەکێ سیاسەتەکا ڕاست برێڤە دبەن.[1]