خۆفرۆش
لە کتێبی: #گوناه#
بەرهەمی: #عەلی حەسەنیانی#
هەر کاتە جێیەک،
هەردەم لە شوێنێک،
هەر شەو بە مەستی،
میوانی نوێنێک...
بێکەس و تەنیا
دیلی داوی خەم،
ڕۆژگاری شەوگار
ئۆگری ماتەم
بەرەو نەهاتی
دەچێتە پێشێ
تاوانبار نیە
تاوان دەکێشێ
تریفەی مانگە
لە نێو کەلاوان
شەمامەی جوانە
بۆ دەستی لاوان
جامی ژیانە
بەڵام شکاوە
تازە یەک بگرێ؟
خەیاڵی خاوە...
ڕۆژێ دەیبینی
گوڵێک پەڕپەڕ بوو
یەک بە یەک دەڵێ:
- ئەویش لە دەس چوو
1963 - تاران [1]
دون هذا السجل بلغة (کوردیی ناوەڕاست)، انقر علی ايقونة
لفتح السجل باللغة المدونة!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 245 مرة