حوشترالوک: لەخێزانی پاقلەییەکانە، بەتەمەنە و قەدێکی باريکی هەیە گەڵاکانی گۆڕاون بۆ دڕک، گوڵێکی بچوکی پەمەیی تۆخ دەگرێت، بەرزی ڕووەکەکە (30-40) سانتیمەتر، لە بەهار لەسەر کۆنە ڕەگی ژێر زەوی دووبارە دەڕوێتەوە لە هاوین تا سەرەتای پایز گەشەی دەبێت، دوای ئەوە بەرەو وشک بوون دەچێت، لە زستان قەد و گەڵای وشک دەبێت، حوشتر به سەوزی و وشکی دەيخوات، لەناوچە گەرمەکان زۆر دەڕوێت، مەڕ و ماڵات نايخوات، کە وشک بۆوە بۆ سووتان بە کاردێت. پێشتر لە ڕۆژە گەرمەکانی هاوین لەبەر پەنجەرەیان دادەنا و ئاوییان پێدا دەکرد، که هەوا لێی دەدا وەک فێنکەرەوە ژوورەکەی کەمێک فێنک دەکردەوە.[1]