گوێ بەرخە: لە زمانی کوردی (گادەمە، گوێ بەرخ) یە، لە زمانی عەرەبی (آذان الدب، البوصفير) ە، گەڵای ئەم دوو ڕوەکە هەردوکیان شێوەیان لە گوێ بەرخ ئەچێت، ڕووەکی دووەم لە زمانی عەرەبی ناوی بە گوێ ورچ هاتووە، ئەم حاڵەتە لە ناوی چەند ڕوەکێکی تریش هەیە، ئەمەش تەنها لە زمانی کوردی نییە بەم شێوەیە بێت، بۆ نمونە لە زمانی عەرەبی بە چەند ڕوەکێک ئەوترێت (شوک الجمل)، وەک : حوشترالوک، قەلۆغان، گوێنی دڕکاوی (القتاد الشوکی).
لە زمانی کوردیشدا چەند ناوێکی هەیە وەک : (گیا فتیلە، چراوکە، گوێ بەرخە) یشی پێ دەوترێت، پرسیارێک دروست بووە لەسەر ناوی گوێ بەرخە؟ ئەمەش بەهۆی ئەوەی ئەم ناوە لە هەندێک ناوچە بۆ یەکێک لەم ڕوەکانە بەکاردێت، لە هەندێک ناوچەی تریش بۆ ڕوەکی دووەم بەکاردێت.[1]