بە بۆنەی پەسەندکردنی کارنامە و متمانە بەخشین بە کابینەی نوێی حکوومەتی فیدراڵیی ئێراقەوە، بە گەرمی پیرۆزبایی ئەم هەنگاوە گرنگە لە هەموو ئێڕاقییەکان دەکەین.
پیرۆزبایی تایبەتیمان بۆ سەرۆک وەزیران بەڕێز محەمەد شیاع سوودانی و ئەندامانی کابینەکەی لەگەڵ هیوای سەرکەوتن بۆ هەموویان لە ئەرکەکەیاندا.
هیوادارین ئەم هەنگاوە ئومێد بەخشە، سەرەتای کۆتاییی مەینەتییەکانی خەڵکی ئێراق و دەسپێکێکی نوێ بێت بۆ چارەسەرکردنی کێشە و قەیرانەکان، گەشەی ئابووری، پەرەپێدانی خزمەتگوزاری، سەقامگیری و ئاساییش، ڕاستەڕێ بوونەوەی پڕۆسەی سیاسی، چارەسەری دەستورییانەی کێشەکانی #هەولێر# – #بەغدا# و گەڕانەوەی متمانەی گەل بە دامەزراوەکان و ئاوەڕدانەوەی جددی حکوومەت لە داخوازییە ڕەواکانی هاووڵاتیان. [1]