شتێکم دی زۆر دەم گەورە
گیانی زەردە و ڕەق بە دەورە
مناڵێکی لە زکدایە، هەڵدەبەزێ دەڵێ: دایە
مەبەست لە دەسکەوانە، (دەسکەوان: ئامێرێکی کەلەپووری کوردییە، لە ماددەی مس درووستدەکرێ، دوو بەشە: دۆڵ و دەسک، بۆ کوتانی دانەوێڵە بەکاردێ) شتێکم دی زۆر دەم گەورە، مەبەست لە دەسکەوانە، گیانی زەرد و ڕەق بە دەورە، واتە ڕەنگی زەردە و ڕەقە، مناڵێکی لە زکدایە، هەڵدەبەزێ دەڵێ دایە: واتە: کاتێک دەسکی دەسکەوان شتی پێدەکوترێ دەنگی لێوەدێ. وەڵام (دەسکەوان). [1]