کاکۆڵی هەیە وەک بابۆڵەیە، خواردنی بەتامە و بێ بۆڵەیە
جارێک شیرینە، جارێک سوێر دەکرێ، بۆ برژاندن دەبێ بە کولێرەش دەکرێ
مەبەست لە گەنمەشامییە، کاکۆڵ: مووی پێشەوەی سەرە کە بۆ جوانی دەهێڵرێتەوە، بابۆڵە: پارووی پێچراوە. (فەرهەنگی شێخانی) ، کاکۆڵی هەیە وەک بابۆڵەیە، مەبەست لە گەنمەشامییە کە وەک بابۆڵەوایە، هەروەها ڕیشاڵێکی پێوەیە بە کاکۆڵی پێشی سەر چووێنراوە، خواردنی بەتامە و بێ بۆڵەیە، واتە: بێ کێشە دەخورێ، هەروەها بەچەند شێوەیەک دەخورێ، هەندێک کەس ئارەزوو دەکەن بە سوێریی و هەندێکی تر بە شیرینیی، هەندێک بە برژاندن و هەندێک ئاردی گەنمەشامی دەکەن بەنان. وەڵام (گەنمەشامی) . [1]