دەقی پەیامەکەی #قوباد تاڵەبانی#:
لەرۆژى جیهانی خاوەن پێداویستیە تایبەتەکاندا، سەربارى دەربڕینی خۆشەویستی و پیرۆزباییمان بۆ خاوەن پێداویستیەکانی جیهان وعێراق و هەرێمی کوردستان، هیواخوازین ئەم ڕۆژە تەنیا بۆنەیەک نەبێت بۆ قسەکردن و بەڵێنێک کەبەدی نەیەت، بەڵکو ببێتە سەرەتاى گۆڕانکارییەک بەرەو دانپێدانانی ڕاستەقینە بەمافەکانی خاوەن پێداویستییە تایبەتەکاندا.
قۆناغی ئایندە بۆ خاوەن پێداویستیە تایبەتەکان دەرفەتێک بێت بۆ ژیانێکی شکۆمەندانە ومامەڵەیەکی بنیاتنراو لەسەر ڕێز و هەڵسەنگاندنی کارو گرنگیدان بەتوانا و لێهاتووییتان، سەربارى هەوڵدان بۆ ڕەخساندنی زەمینەى زیاتری چوونەوە نێو کۆمەڵ و پێکهێنانی خێزان و دۆزینەوەى هەلى کار.
بۆ ئێوەى خوشک و براکانمان دووپاتی دەکەینەوە کە؛ هەمیشە پشتیوانتانم.
قوباد تاڵەبانی
سەرپەرشتیارى مەکتەبى سکرتارییەتی سەرۆک #مام جەلال#[1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!