#وەلی دېوانە#
نەدارۇن تانە، نەدارۇن تانە
نەدارۇن تاقەت توانای تانە
وېنەی مەجنۇن وېڵ دەیری دېوانە
مەشم وە چۊڵ و تەرک مەکەم یانە
بەرگی تەن جە وەڵگ درەختانی چۊڵ
پەی وېم مەوازۇن مەگېرۇن نە کۊڵ
تەنیا یەک سەنگێ مەنیۇن وە باڵین
تەک مەدۇم پېوە پەرێ شەو ناڵین
خاوم وە ڕاحەت گەشتم وە دڵواز
نە نەزان ڕەفېق، نە ڕەقیب هامڕاز
پەی وېم مە گېڵۇن سەروەش نە کاوان
مەر مەلان مەردەن بېدیشان ماوان
* بېسارانی هۊنیێوە هامشېۋېش هەنە “ نەدارۇ تانە“ و بەپاو سەردەمو پېڎابېیەی و ژیۋاو بېسارانی ۋەڵتەر چە ھۊنیێکۊ “وەلی دېوانەی“ نۋیسیێنە ھەرچڼە بە شېۋاز و دلېنە فرەتەر ئۆ ھۊنیێ (وەلی دېوانە*ی مشۊ. ھەر دۋە ھۊنیێکۍ ھیچ جېیاۋازییۋشا نېیا، تاقە جېیاۋازی، (ۋەڵ و دما)کۆتەی دۋە بەیتو دمایی ھۊنیاکان چنی جېیاۋازی دماگرو کرڎاری ھەن، نمۇنە (نەدارۇ) و (نەدارۇن)، مەسازۇ یانە) و (تەرک مەکەم یانە)، (نە) و (وە)، (بە) و (وە)، ..تد. ئانېچە پەی جېیاۋازی ئەۋەنۋیستەی و شارەزایی ئەۋەنۋیسو دېۋانەکا گېڵۊۋە.
[1]