$دەقی پەیامەکەی بافڵ جەلال تاڵەبانی سەرۆکی یەکێتیی نیشتمانیی کوردستان:$
بەڕێزان سەرنووسەر و ڕۆژنامەنووسانی #کوردستانی نوێ#
ساڵیادی دەرچوونی یەکەمین ژمارەی ڕۆژنامەی کوردستانی نوێتان پیرۆزبێت.
ئەمڕۆ بە شانازییەوە یادی یەکەمین ڕۆژنامەی ڕۆژانەی دوای ڕاپەڕین و بزوێنەرێکی گرنگی ڕەوتی ڕۆژنامەگەری کوردی دەکەینەوە، کە بەرهەمی یەکێتیی نیشتمانیی کوردستان بوو لەو قۆناغە هەستیارەدا.
بە درێژایی سێ دەیەی ڕابردوو کوردستانی نوێ ناوەندێکی گرنگی بڵاوکردنەوەی زانیاری و هۆشیارکردنەوەی کۆمەڵگە بووە و ڕۆڵێکی کاریگەری بینیووە لە فراوانکردنی پانتایی دیموکراسی و بیری ئازاد.
هیوادارم ساڵی نوێی کارکردنتان پشتبەستوو بە مێژووی زێڕین و درەوشاوەتان، هاوشانی بەرەوپێشچوونە میدیاییەکان لە ئەرکەکانتان بەردەوامبن و میدیایەکی ڕاستگۆ و سەنگینی کۆمەڵگەکەمان بن. [1]
هەر شاد و سەرفرازبن
دڵسۆزتان
#بافڵ تاڵەبانی#
سەرۆکی #یەکێتیی نیشتمانیی کوردستان#