#سەیدی هۆرامی#
پایېز فەسڵو پیریەن، فەسڵو هیلاکی و مەینەتی و ڕەنجووریەن. سەیدی سەرەتاو پایېزی، وەختێ گەڵاو دارەکا وەرە وەرە زەردۍ بان، وېنامەکەرۊن بە تاڵە موا سەرو ڕیشی کە چەرمۍ مەبان، ئیتر سەرەتاو ئامای پیریەن، سەیدی مووی چەرمە بە جاسووسو پیری مەشناسۊ، کە هەواڵ مڎۊو ماچۊ ئانا پیری ئاما.
چراغی سەروەخت پايزەن خەزان
خەزانی زەردەن نه سەر تووڵ «وەزان»
خەزان پەی فەسڵ پايز نەويدەن
جاسووسی پيری، «موويی سفيدەن»
نموونەی وەهار، دەوری جوانیيەن
نيشاتەن، عەيشەن، کامەرانیيەن
جوانی خۊ، لوا، يادش به خێر بۊ
به پير شاد نەبۊ، هەر کەسێ ژير بۊ
نيشانەی پايېز، وەختی پيریيەن
مەلوول، بۍ دەماخ، دڵ زويریيەن
دڵەی پير مەلوول، پايېز پەرېشان
چەوان هەردوو خۊ، بېزار بوو چېشان؟.[1]